Պետրոս Ղազարյանը  ֆեյսբուքի իր էջում գրել է.

«Մենք ապրում ենք ազատ երկրում և ցանկացած մարդ ինչ–որ բան կարող է պահել ուրիշների գլխին, եթե վերջինները դեմ չեն: Այս առումով Էլբակյանի և Ներսիսյանի արարքի մեջ ոչ մի վատ բան չեմ տեսնում:

Բայց քանի որ մենք ազատ երկրում ենք ապրում, ցանկացած մարդ իրավունք ունի նաև հանրային միջոցառումը քննադատելու՝ անկախ երևելիների և սրբերի թվաքանակից:

ԳԱԼԱՅԻՆ տված իր հարցազրույցում պրն Էլբակյանը հիմար է անվանում բոլոր նրանց, ում դուրը չի եկել իր արարքը: Քանի որ ես հարգարժան դերասանի նման քրիստոնեության գիտակ չեմ, կխնդրեմ մեկնաբանել՝ բազում մարդկանց հիմար անվանելը արդյոք քրիստոնեաբար է:

Պրն Էլբակյանը նույն հարցազրույցում ասում է, որ այս իշխանությունները մեզ պատվել է Աստված, որովհետև նրանք կան: Ուզում եմ հիշեցնել, որ աշխարհում շատ իշխանություններ են եղել, որ միլիոնավոր մարդկանց կյանքեր են խլել, այդ թվում միլիոնուկես մեր ազգից, անցած դարի սկզբին: Փաստորեն ըստ Էլբակյանի քանի որ այս իշխանություններն եղել են, նրանց պատվել է ԱՍՏՎԱԾ:
Արդյո՞ք հակաքրիստոնեական չէ նման պնդումը:

Պրն Էլբակյանը նաև ասում է՝ քանի որ ԱՍՏՎԱԾ է այս իշանություններին պատվել, յուաքանչյուրս պետք է նրանց պատվենք: Ուզում եմ հիշեցնել, որ միջնադարյան եկեղեցուն բնորոշ այս տրյուկից վաղուց հրաժավրել է նույնիսկ եկեղեցին:

Եվ եթե իշխանությանը պատվել է ԱՍՏՎԱԾ, ապա մեզ ՀՀ քաղաքացիներիս հաստատ սատանան չի պատվել և պատվելը պետք է լինի փոխադարձ:

Եթե իշխանությունը երկիրը աղքատացնում է, այնպիսի պայմաններ է ստեղծում, որ իր քաղաքացիները փախնեն, ինքն էլ հարստանում է դրան զուգահեռ, նման իշխանությանը պատվելը ոչ թե խորը քրիստոնեություն է, այլ մակերեսային քծնանք»: