«Կապան քաղաք» ֆեյսբուքյան օգտատերը իր էջում կիսվել է sosi.tv. -ի գրառումով և ավելացրել, թե 196 շնագայլ կոչնչացվի Կապան քաղաքում:

Հետաքրքիր է, թե Կապանի քաղաքապետարանն ինչի հիման վրա է որոշել, որ 4 օրում հենց 196 շնագայլ է ոչնչացնելու: Եվ առավել հետաքրքիր է հաշվարկված ընդհանուր գումարը. մեկ շնագայլին 3040 դրամ՝ ընդհամենը՝ 600 հազար դրամ:

Նյութն ամբողջությամբ.

«Թափառող շնագայլերը արդեն սկսել են անհանգստություն պատճառել կապանցիներին։ Հատկապես երեկոյան ուշ ժամերին բնակիչները վախենում են թաղամասերում անցուդարձ անել։Սոված կենդանիրները սարերից իջնում ու հասնում են նույնիսկ շենքերի բակեր։ Քաղաքապետարանը տարբեր թաղամասերի բնակիչներից դիմում բողոքներ է ստացել։
Բնակչության անվտանգության շահերից ելնելով՝ առաջիկա 4 օրերին մարզկենտրոնում կիրականացվի շնագայլերի որս։ Նախապատրաստական աշխատանքները քաղաքապետարանը արդեն ձեռնարկել է։ Կնքվել է պայմանագիր՝ սահմանվել է մեկ շնագայլի ոչնչացումը կարժենա 3040 դրամ ։
Շնագայլերի որս կատարող քաղաքացու հետ միասին ոստիկանություն աշխատակիցներ նույնպես կշրջեն։ Բնակչությանն էլ զգուշացվել է երեկոյան ժամը 23-ից հետո հնարավորինս խուսափել փողոց դուրս գալուց։ Քաղաքապետրանում վստահեցնում են, որ եթե անհրաժեշտություն առաջանա չեն սահմանափակվի 4 օրով։ Ընդհանուր առմամբ՝ 6 հարյուր հազար դրամ կծախսվի շնագայլերի ոչնչացման համար»։