Նոր մանրամասներ են հայտնի դարձել ՌԴ Ստավրոպոլի երկրամասում նախօրեին հայ ընտանիքի վրա կատարված հարձակման վերաբերյալ:

Քննչական կոմիտեի ներկայացուցիչ Ելենա Գրիշկոն նշել է, որ քննությունը դիտարկում է մի քանի վարկածներ, որոնցից գլխավորը` տանտիրոջ առևտրային գործունեության հետ կապված սպանությունն է, նաև անձնական վատ հարաբերությունների պատճառով կատարված սպանությունը:

Ինչպես հաղորդում է Lifenews-ը, Լիանա, Արսեն, Թամարա և Խաչատուր Ղազարյանի հարևանների պատմելով՝ բազմոցին, որի վրա սովորաբար քնում էին ծնողները, այս գիշեր քնած են եղել երեխաները:

Մասնագետների տվյալներով` հանցագործը հայ գործարարի տուն ներթափանցել է ձեղնահարկից, և մտել հյուրասենյակ: Չհասկանալով, որ բազմոցին  քնած են ոչ թե գործարարն ու նրա կինը, այլ երեխաները, մարդասպանը մի քանի գնդակ է արձակել քնած երեխաների` 11-ամյա Լիանայի և 16-ամյա Արսենի վրա:

Աղմուկից արթնացել է մայրը` Թամարան: Գիտակցելով, որ սխալվել է, մարդասպանը կրակել է կնոջ գլխին ու հեռացել: Սակայն նա վրիպել է, և գնդակը դիպել է Թամարայի ծնոտին` մնալով ատամի մեջ:

Կենդանի մնացած կինը նկարագրել է հանցագործին` միջին տարիքի, նիհար տղամարդու:

Խաչատուր Ղազարյանի խոսքով, իրեն ևս կասկածյալ են համարում, և փորձագետները նրա մաշկից նմուշներ են վերցրել` փորձաքննություն անցկացնելու համար: