Հունիսի 21-ին, ժամը 14.18-ին տեղեկություն է ստացվել, որ Գեղարքունիքի մարզի Սարուխան գյուղում տեղի է ունեցել փլուզում: Կան տուժածներ. անհրաժեշտ է օգնություն:

ԱԻՆ լրատվական ծառայությունից հայտնում են, որ դեպքի վայր է մեկնել մեկ մարտական հաշվարկ և մարզային փրկարարական վարչության օպերատիվ խումբը:

Պարզվել է, որ փլուզվել է 1.5 հարկանի տան պատշգամբը ` 12 մ ² (բարձ. մոտ 1.5 մ): Կան 9 տուժածներ, որոնք տեղափոխվել են Գավառի հիվանդանոց:

Նշենք, որ դժբախտ պատահարը տեղի է ունեցել սգո արարողության ժամանակ:  Տանը եղել են  հանգուցյալ Միշա Գաբոյանի հարազատները։

Պարզվել է, որ փլուզվել են Մ. Գափոյանին պատկանող 1970 թ. կառուցված 1,5 հարկանի տան (Թումանյան փողոցի թիվ 7 տուն) պատշգամբի երկաթբետոնե կառուցատարրերը՝ 12 քմ :
Մինչ հրշեջ-փրկարարարների կանչի վայր հասնելը Գրետա Առաքելյանը (ծնվ. 1942թ.), Անահիտ Խաչիկյանը (ծնվ.1970թ.), Սիլվա Հակոբյանը (ծնվ.1955թ.), Ասյա Մոտոյանը (ծնվ. 1961թ.), Ալիտա Բնյանը (ծնվ.1985թ.), Ծաղիկ Մնեյանը (ծնվ.1967թ.), Զինա Մնեյանը (ծնվ.1950թ.), Աիդա Բադոյանը (ծնվ.1952թ.), Լուսինե Պետոյանը (ծնվ.1973թ.) տարբեր աստիճանի մարմնական վնասվածքներով հոսպիտալացվել են Գավառ քաղաքի բժշկական կենտրոն: Բժիշկները տուժածների առողջական վիճակը գնահատել են բավարար:
Հրշեջ-փրկարարները ապամոնտաժել են պատշգամբի կախված երկաթբետոնե կառուցատարրերը՝ 1քմ: