Մեր ունեցած տեղեկությունների համաձայն՝ հունիսի 10-ի երեկոյան իր աշխատասենյակում դաժան ծեծի է ենթարկվել «Հայբիզնեսբանկի» վարչության նախագահ Սերգեյ Արզումանյանը: Ս. Արզումանյանն արդեն երեք օր է աշխատանքի չի գնում:

Բանկում շրջանառվող լուրերի համաձայն, աշխատանքային օրվա վերջին Արզումանյանի աշխատասենյակ են ներխուժել ընդգծված կառուցվածքով 4-5 երիտասարդներ, որոնք իրենց «գործը» անելուց հետո լուռ հեռացել են: Դրանից հետո դուրս է եկել Արզումանյանը, որի դեմքն անճանաչելի է եղել: Բանկի աշխատակիցների շրջանում տարածված լուրերի համաձայն, դեպքից մի կես ժամ առաջ Արզումանյանը լարված հեռախոսազրույց է ունեցել ինչ-որ մեկի հետ: Թե ով է եղել այդ անձնավորությունը, մեզ չհաջողվեց պարզել: Սերգեյ Արզումանյանի հետ կապվելու բոլոր փորձերն ապարդյուն անցան: Հայտնի միայն, որ նա չի դիմել ոչ ոստիկանություն, և ոչ էլ առողջապահական որևէ հիմնարկ: Նշենք, որ Սերգեյ Արզումանյանը բանկային համակարգում է երկար տարիներ և համարվում է իր գործի պրոֆեսիոնալներից: «Հայբիզնեսբանկի» բաժնետերը Վիտալի Գրգիորյանն է, որը հիմնականում բնակվում է արտերկրում:

Հայկական ժամանակ