«Հայկական Վարկած»-ը թիվ 55 մանկապարտեզի ծնողներից բողոք է ստացել: Բանն այն է, որ մանկապարտեզի ավարտական խմբերը հունիսի 17-ին փակվելու են: Այսինքն՝ ավարտական հանդեսից հետո, որը լինելու է հունիսի 14-ին, այլևս երեխաներին թույլ չեն տալու հաճախել մանկապարտեզ: Դրա հետևանքով աշխատող ծնողները կանգնել են փաստի առջև:

Քաղաքապետարանը հաստատեց տեղեկությունը, և մեր հարցմանն ի պատասխան, շատ հետաքրքիր պատճառ ներկայացրեց. երեխաներին թողնում են, որպեսզի որոշակի ժամանակահատվածում նաև ընտանիքում հոգեբանորեն պատրաստվեն նոր կյանքին։
Շատ հետաքրքիր մոտեցում. իսկ ինչպե՞ս վարվեն այն ծնողները, որոնք երեխային թողնելու տեղ չունեն:
Սա հարց է, որ լուծում է պահանջում, որին քաղաքապետարանը, գոնե այս պահին որևէ տրամաբանական պատասխան չունի:

Ձեզ ենք ներկայացնում Քաղաքապետարանի պատասխանը.

Ի պատասխան Երևանի քաղաքապետարանին ուղղված Ձեր հարցման ` աշխատակազմի հանրակրթության վարչությունից տեղեկացնում են, որ, մանկապարտեզներում ուսումնական տարվա հունիսի 15-ին ավարտվում է ուսումնառության գործընթացը, որին հաջորդում է ամառային ռեժիմը։
Արդեն դպրոցին պատրաստվող երեխան ցանկալի է, որ որոշակի ժամանակահատվածում նաև ընտանիքում հոգեբանորեն պատրաստվի նոր կյանքին։
Միաժամանակ տեղեկացնում ենք. որ պետք է կազմակերպվի հաշվառված երեխաների ընդունելություն»։