«Հայկական Վարկած»-ի   ունեցած տեղեկությունների համաձայն, երեկ լուրջ հանդիպում է տեղի ունեցել ՀՀԿ-ի ու դաշնակացական վերնախավի միջև, որին, ըստ որոշ լուրերի, մասնակցել է անձամբ ՀՅԴ ԳՄ ներկայացուցիչ Հրանտ Մարգարյանը:

ՀՀԿ-ական պարոնները  հին ընկերներին ու հատկապես վերջին ժամանակներս խրոխտ ելույթներով աչքի ընկնող   Հրանտ  Մարգարյանին հորդորել են դադարեցնել ՀՀԿ — ՀՅԴ   «փոխհրաձգությունը», քանի որ դրանից ուրախանում են ներսի ու դրսի թշնամիները, ինչն իրականում  չի կարող իր անդրադարձն  ու հետևանքները չունենալ  Հայաստանի ներքաղաքական կյանքի վրա:

Սակայն, նույն լուրերի համաձայն, դաշնակցության ծանր   հրետանի համարվող Հրանտ Մարգարյանը  չեմ ու չումի  նշաններ է ցույց տվել ՀՀԿ-ական «վոժդերին», ինչից հետո ՀՀԿ-ականները փոխել են իրենց մարտավարությունը, ու հանդիպման ընթացքում կոնկրետ մեսիջներ են  ուղարկել, որ  եթե ՀՅԴ-ն չսկսվի, ապա ՀՀԿ-ն կոնկրետ փաստեր ու թղթե կապոցներ կհանի ջրի երես, ինչը բնականաբար ՀՅԴ-ի համար լավ ոչինչ խոստանալ չի կարող:

Թե ինչով կավարտվի  ՀՅԴ — ՀՀԿ բանակցությունները, դեռ առիթ կունենանք  խոսելու, իսկ թե ինչո՞ւ է ՀՀԿ-ն սկսել խոսել ուլտիմատումների լեզվով թողնենք մեկնաբանելու մեր ընթերցողներին:

Ա. Վարդանյան