Ապրիլի 4-ին ՀՀ ոստիկանությունում էր հյուրընկալվել ԵԽ խոշտանգումների և անմարդկային կամ արժանապատվությունը նվաստացնող վերաբերմունքի կամ պատժի Եվրոպական կոմիտեի պատվիրակությունը, որը գլխավորում էր պատվիրակության ղեկավար Ժան Պիեռ Ռեստելինին:
Հանդիպմանը մասնակցում էին ոստիկանության մի շարք ստորաբաժանումների պետեր և ղեկավար աշխատողներ: Հանդիպումը բացեց ՀՀ ոստիկանության շտաբի պետ, ոստիկանության գեներալ-մայոր Վարդան Եղիազարյանը: Հյուրերին փոխանցելով ՀՀ ոստիկանության պետ, գեներալ-լեյտենանտ Վլադիմիր Գասպարյանի բարեմաղթանքները՝ նա նշեց, որ 2010 թվականի հանդիպումից հետո ՀՀ ոստիկանությունում ծավալուն արմատական բարեփոխումներ են իրականացվել:
Վարդան Եղիազարյանը տեղեկացրեց, որ ոստիկանությունում փուլ առ փուլ ընթացող բարեփոխումների համատեքստում առանձնակի ուշադրություն է դարձվում մարդու իրավունքների պաշտպանության հարցերին: Վերջերս, ԵԽ նախարարների կոմիտեի ժողովրդավարության հարցերով զեկուցողների խմբի պատվիրակության հետ հանդիպման ժամանակ, համակողմանիորեն քննարկվել են ոստիկանության գործունեության ընթացքում մարդու իրավունքների պաշտպանության հիմնախնդիրներն ու այդ ոլորտում բարեփոխումների ընթացքը, ներկայացվել են, մասնավորապես, իրականացված բարեփոխումների ուղղությունները՝ ԵԱՀԿ ակտիվ աջակցությամբ համայնքային ոստիկանության ձևավորում և կյանքի կոչում, ոստիկանությունում քաղծառայության համակարգի ներդրում, հասարակական կարգի պահպանության բնագավառում իրականացված կառուցվածքային փոփոխություններ, ոստիկանության գործունեության նկատմամբ քաղաքացիական վերահսկողության ուժեղացում և այլն:
Վարդան Եղիազարյանը անդրադարձ կատարեց նաև հյուրերին առավելապես հետաքրքրող հարցերին և կատարված աշխատանքների կոնկրետ օրինակներ վկայակոչեց, որոնք առավելապես վերաբերվում էին ձերբակալվածների պահման վայրերում առկա դրական տեղաշարժերին և մարդու իրավունքների պաշտպանության հիմնախնդիրներին:
Պատվիրակության ղեկավար Ժան Պիեռ Ռեստելինին շնորհակալություն հայտնեց ջերմ ընդունելության և մանրամասն տեղեկատվության համար, որից հետո ՀՀ ոստիկանության ներկայացուցիչները սպառիչ պատասխաններ տվեցին պատվիրակության անդամների հարցերին:
Քննարկվեցին նաև փոխադարձ հետաքրքրություն ներկայացնող այլ հարցեր:
- 19:26Ըստ թուրքական NTV-ի՝ հավանական է, որ Նիկոլ Փաշինյանը մասնակցի Էրդողանի երդմնակալության արարողությանը
- 15:10Դատախազությունը պահանջում է բռնագանձել Արամ Հարությունյանին և նրա կնոջը պատկանող մի շարք գույքեր
- 14:10Երկրին է մոտենում 300-800 մետր տրամագծով աստերոիդ․ վտանգավո՞ր է այն Երկրի համար
- 13:10Արդյո՞ք սա կանաչ լույս է ագրեսիայի համար․ Արտակ Բեգլարյան
- 12:10Դիլիջանի քրեականի պետը զղջացել է արարքի համար, ներողություն խնդրել երիտասարդից․ նոր մանրամասներ
- 11:10«Խաղաղության պայմանագրի» իրագործման անվտանգության երաշխավոր երկիրի դերն ստանձնելու պատրաստակամություն հայտնել են թե՛ ԱՄՆ-ը, թե՛ ԵՄ-ն և թե՛ ՌԴ-ն
- 15:10Ծխախոտի արտադրությամբ զբաղվող ընկերության կողմից առանց ակցիզային դրոշմանիշերի ծխախոտի իրացման խոշոր դեպքեր են բացահայտել
- 14:10Փաշինյանը ոչ մի անվտանգային երաշխիք ՀՀ-ի համար չի կարողանում ստանալ․ Բենիամին Մաթևոսյան
- 13:10Ստամբուլյան կոնվենցիան վավերացնելու համար չէ, պառակտելու համար է
- 12:10Էրդողանը վերջին պահին հրաժարվել է մասնակցել Եվրոպական քաղաքական համայնքի գագաթաժողովին