Երևանի ավագանու ընտրություններին «Բարգավաճ Հայաստան» կուսակցությանը կմասնակցի առանձին ցուցակով, համենայնդեպս, այս պահին նման որոշում ունի ԲՀԿ առաջնորդ Գագիկ Ծառուկյանը:

Արդեն հայտնի է համամասնական ցուցակի առաջին տասնյակը:

ԲՀԿ ցուցակը, ինչպես արդեն ասվել է, կգլխավորի  Վարդան Օսկանյանը, նրան կհաջորդի ՄԱԿ առաջնորդ, ԲՀԿ-ական պատգամավոր Գուրգեն Արսենյանը, 3-րդ հորիզոնականում` ԱԺ պատգամավոր, առողջապահության նախկին փոխնախարար Աբրահամ Մանուկյանն է:

4-րդ հորիզոնականը զբաղեցնելու է ԲՀԿ-ական նախկին պատգամավոր, դասախոս Արամ Սաֆարյանը,

5-րդը` Վայոց ձորի նախկին մարզպետ Սերգեյ Բագրատյանը,

6-րդը` «Մեկ ազգ, մեկ մշակույթ» հիմնադրամի նախկին ղեկավար Թամարա Պողոսյանը:

7-րդը՝ հունահռոմեական ըմբշամարտի օլիմպիական փոխչեմպիոն Արսեն Ջուլֆալակյան,

8-րդը` ԲՀԿ կանանց խորհրդի անդամ Մարինա Մարգարյանը,

9-րդը` Երևանի ավագանու ԲՀԿ խմբակցության ղեկավար Գուրգեն Գասպարյանը,

10-րդը` ավագանու անդամ Պողոս Փլավչյանը:

Նշենք, որ սա ԲՀԿ համամասնական ցուցակի նախնական տարբերակն է: