Ճարտարապետ, ճարտարապետության ակադեմիկոս, Երևանի հատակագծի հեղինակ Ալեքսանդր Թամանյանը  ծնվել է 1864 թվականի մարտի 4-ին Կրասնոդար քաղաքում:1904 թվականին ավարտել է Պետերբուրգի գեղարվեստի ակադեմիայի բարձրագույն գեղարվեստի ուսումնարանի ճարտարապետության բաժանմունքը՝ նկարիչ-ճարտարապետի կոչումով։ 1917-ին եղել է Պետրոգրադի գեղարվեստի ակադեմիայի խորհրդի նախագահը՝ փոխնախագահի իրավունքներով։

1919-ին տեղափոխվել է Երևան, 1921 թվականին Իրան, իսկ 1923-ին հրավիրվել է Հայաստան։ Թամանյանը եղել է Ժողկոմխորհին կից պատմական հուշարձանների պահպանման կոմիտեի ղեկավար։

Թամանյանի առաջին ճարտարապետական աշխատանքն եղել է Երևանի գլխավոր հատակագիծն 150 հազար բնակչի համար, որն հաստատվել է ՀՍՍՀ Ժողկոմխորհի կողմից 1924 թվական։ 1934 թվականին սկսել է մշակել «Մեծ Երևանի» հատակագիծն 500.000 բնակչի համար։ Այն մնացել է անավարտ։

1925-1933 թվականներին նախագծել է Լենինականի (Գյումրի), Վաղարշապատի, Ստեփանակերտի, Կամոյի(Նոր Բայազետ), Հրազդանի, Լուկաշինի,Նուբարաշենի և այլ բնակավայրերի հատակագծերն, որոնցից ոչ բոլորն են իրականացվել։ Երևանում նրա նախագծով կառուցվել են աստղադիտարանը (1930-1935), անատոմիկումը (1926-1933), անասնաբուժական, ֆիզիոթերապևտիկ, պոլիտեխնիկական ինստիտուտների շենքերն (1927-1932), հանրային գրադարանը(1932-1938)։

Նրա նախագծով կառուցվել է նաև Կառավարության տունը (1926-1929), Օպերայի և Բալետի թատրոնը1926-1953)։

Երևանում գործում է Ալեքսանդր Թամանյանի թանգարան-ինստիտուտը, որտեղ ներկայացվում են ճարտարապետի անձնական իրեր, աշխատանքները, նախագծերը: Թամանյանը մահացել է 1947 թվականի փետրվարի 11-ին Կրասնոդարում: