Ֆրանսիայի Ազգային ժողովի պատգամավոր Վալերի Բուայեն` Սումգայիթի զոհերի հիշատակի միջոցառման ժամանակ, հանդես է եկել  պաշտոնական հայտարարությամբ՝ ադրբեջանական սադրանքի վերաբերյալ, հայտնում է «Nouvelles d՝Arménie»-ին:

«Աջակցելով ժխտողականության քաղաքականությանը  և բազմացնելով հակահայ քարոզչության ակտերը, հայերի դեմ հանացագործությունների (Սաֆարովի գործը) մեղավորներին, Ալիևի ռեժիմը խրախուսում է այնպիսի միջադեպերը, որը տեղի ուենցավ երեկ Ազգայի ժողովում: Միջոցառումը, որը խորհրդածության առիթ էր, դարձավ ադրբեջանական հերթական  սադրանքի վայրը, ինչը ևս մեկ անգամ ապացուցում է, որ  Ադրբեջանի մտադրությունները  կապ չունեն ղարաբաղյան հակամարտության կարգավորման  հետ», -հայտարարել է Վալերի Բուայեն՝ նկատի ունենալով փետրվարի 26-ին, Սումգայիթի զոհերի հիշատակին նվիրված միջոցառումը, որի ժամանակ մի քանի ֆրանսիացի պատգամավորներ, Ադրբեջանի պատվիրակության անդամները, հրաժարվելով մեկ րոպե լռությամբ հարգել Սումգայիթի զոհերի հիշատակը, բացականչել են, որ կհարգեն միայն Խոջալուի զոհերի հիշատակը:

Պատգամավորը կոչով դիմել է Ֆրանսուա Օլանդին ՝ համպատասխան քայլեր ձեռնարկել, որպեսզի ֆրանսիական ազգային հողի վրա  ժխտողականության ցանկացած քարոզչություն դադարեցվի, իսկ  Կլոդ Բարտոլոնին խնդրել է ԱԺ օրակարգում ներառել  2008թ. նոյեմբերի 28-ի  ռասիզմի և քսենոֆոբիայի որոշակի ձևերի և դրսևորումների դեմ պայքարի մասին       շրջանակային որոշումն ազգային օրենսդրության մեջ  փոխանցելու մասին օրինագիծը,  ինչը  քրեական պատիժ է ենթադրում  այն անձանց նկատմամբ, ովքեր վիճարկում են Հայոց ցեղասպանության փաստը:

«Նավթով չես գնի ոչ հիշողություն, ոչ մարդու իրավունքներ»,-հավելել է Վալերի Բուայեն: