Վրաստանի վարչապետ Բիձինա Իվանիշվիլին նամակ է հղել երկրի նախագահ Միխեիլ Սաակաշվիլիին, որով կոչ է արել սահմանադրական ուղղումների՝ նախագահի լիազորությունների կրճատման վերաբերյալ հստակ դիրքորոշում հայտնել առաջիկա 2-3 օրվա ընթացքում, հայտնում է apsny.ge-ն

«Իշխանությունը պատասխանատու է իր ժողովրդի առջև, իսկ ժողովուրդը՝ իր իշխանության համար։ Այդ իսկ պատճառով ցանկանում եմ, որպեսզի մենք արժանի ելք գտնենք, կարողանանք անցյալի հետ հաշիվները մաքրել առանց ավելորդ կորուստների և ամբողջ էներգիան ուղղենք ապագային։ Այդ իսկ պատճառով ես տանջվում եմ այդքան և փորձում ցույց տալ Ձեզ ելքը, որը կհանգեցներ խնդիրները քաղաքակիրթ ճանապարհով լուծելուն:

Ուզում եք իմ խոսքերն ընդունեք որպես վերջնագիր, ուզում եք՝  քաղաքական ինքնագոհություն, սակայն դրանք միանշանակ վկայում են այն մասին, որ ով համաձայն է այդ ուղղումների հետ, նա շարունակում է երկրին ծառայել, նրան տրվում է սխալներն ուղղելու և քաղաքական ապագա ունենալու շանս։ Իսկ ով հրաժարվում է այդ ուղղումներից, ստանձնում է այն ամենի քաղաքական պատասխանատվությունը, ինչ իրականացվել է 9 տարվա ընթացքում,  և շարունակում է ապրել այդ բեռով»,- ասվում է նամակում։