Շարունակվում է Սյունիքի մարզպետի և նրա արբանյակների նախընտրական հանդիպումները. մասնավորապես Անգեղակոթում և Շաղատում դրանք անցել են բոյկոտի պայմաններում:
Լիսկան հայտարարել է, թե Հայրիկյանի դեմ ոչ մի մահափորձ չի եղել. նա ինքն է կազմակերպել, որին ի պատասխան՝ ներկաներից ավելի համարձակները հայտարարել են, թե «Բոլորին քեզ մի նմանեցրու, ու լքել են հանդիպումը»:
Իսկ արդեն Բալաք համայնքի հանդիպմանը գյուղացիների տարատեսակ հարցերին ի պատասխան՝ Լիսկան բարկացել է, թե՝ «Ձեր ձայներն ինձ պետք չեն» ու վիրավորելով ներկաներին՝ հեռացել է գյուղից, երբ ներկաներից մեկը հայտարարել է. «Քեզ երբեք մենք ձայն չենք տվել ու չենք տա, քեզ մի նույնացրու Սերժ Սարգսյանի հետ»:
Էլ ավելի խայտառակ հանդիպում է կայացել Բնունիս համայնքում, երբ գյուղապետարանի նախկին հավաքարարը փորձել է բողոքել իրեն անօրինական աշխատանքից ազատելու համար. հենց մարզպետի ներկայությամբ, գյուղապետի մայրը բռունցքներով հարձակվել է նրա վրա՝ գոռգոռալով, թե՝ «Գիտեք հեշտ է գյուղապետ աշխատելը, մեր տանն ինչ կա չկա տղաս տանում է մարզպետարան»:
Մնացած համայնքներում էլ Լիսկայի հանդիպումներն անցնում են լարված, քանի որ վաղուց ի վեր մարզի ղեկավարի և ժողովուրդի միջև կապը խզված է: Մարդիկ չեն հավատում նախագահին, հենց միայն այն պատճառով, որ նրա անունից խոսում են Լիսկան ու նրա նմանները:
Իսկ ամենահետաքրքիր զավեշտը Սիսիան քաղաքում էր. այն քաղաքում, որի Գայի թաղամասում հանդիպման բերված 30 մարդու առաջ Լիսկան բացատրում էր, թե ցանկանում է Սիսիանը դարձնել Եվրոպա:
Իսկ մինչ այդ, նա առանց հիմնավորման, Լիսկայավարի հայտարարում էր, որ ձայնը պետք է տալ Սերժ Սարգսյանին, այլ ոչ թե ինքն իրա վրա կրակող Հայրիկյանին….
Վերջին 10 տարիներին Սիսիանի տարածաշրջանի ընտրողները մի քանի անգամ համապետական և ՏԻՄ ընտրություններում առիթ են ունեցել Սյունիքի մարզպետ Ս. Խաչատրյանին մերժել և նրան դնել հիմար դրության մեջ:
Վերջինս, հաշվի առնելով հենց այս հանգամանքը, միշտ էլ փորձել է սիսիանցիներին նվաստացնել կամ օգտագործել իր նպատակների համար` անտեսելով երբևիցե նրանց հիմնախնդիրների վրա ուշադրություն դարձնելու անհրաժեշտությունը: Հենց դա է պատճառը, որ շարքային սիսիանցիները միշտ էլ չեն թաքցրել իրենց արհամարհանքը Լիսկայի նկատմամբ:
Հիմա, ըստ էության, մարզում բոլոր հանդիպումները՝ հատկապես գյուղական համայնքներում, անցնում են խիստ լարված և դժգոհ մթնոլորտում:
Ավետիս Գրիգորյան
- 15:10Նիկոլ Փաշինյանը Սուրբ Գիրքն ընկալում է աղանդավորական մեկնություններով. Տիգրան քահանա Բադիրյան
- 13:10Ադրբեջանը խլացնում է Արցախի բջջային կապի և համացանցի հասանելիությունը. Արցախի ՄԻՊ
- 13:10Ես չեմ պատմելու, թե ինչպես էր Աննա Հակոբյանը բունկերում գոռում՝ «ուզում ա 5 հազար մարդ մորթվի․․․»․ Միքայել Մինասյան
- 15:102020թ. հուլիսի 1-ից կավելանա մինչև 2 տարեկան երեխաների խնամքի համար տրվող նպաստը՝ 18.000-ի փոխարեն՝ ծնողները կստանան 25.500 դրամ
- 14:106 անգամ բարձրացնելու ենք առաջին երեխայի ծննդյան միանվագ նպաստը՝ 50 հազար դրամից այն դարձնելով 300 հազար դրամ
- 14:10Թուրքիա-Նախիջևան թռիչքների համար Հայաստանի կամ Իրանի օդային տարածքն այլևս չի օգտագործվի
- 12:10Բոլոր զորամասերն 100%-ով ապահովված են ռազմական տեխնիկայով եւ զինամթերքով. ՊԲ N միավորման հրամանատար
- 11:10Հայաստանի լիակատար շրջափակման հեռանկարը. Ինչ զարգացումներ կարող են լինել
- 12:10Ադրբեջանցի գործիչների երեւակայությունը մոլեգնում է. ԼՂՀ ՊՆ
- 15:15Արցախի ՊՆ-ի կոը՝ անվերապահորեն կատարել հրադադարի պահպանման շուրջ պայմանավորվածությունը