Այսօր Վարկած  ակումբի հյուրն էր «Սոցիոմետր» անկախ սոցիոլոգիական կենտրոնի տնօրեն Ահարոն Ադիբեկյանը, որը խոսեց գալիք ընտրությունների  վերաբերյալ որոշում ունեցող ընտրազանգվածի    նախապատվությունների մասին և ներկայացրեց քաղաքական դաշտի նախընտրական դասակարգումը: Ահարոն Ադիբեկյանը նշեց.

«Սոցհարցումները P.R.-ի մաս չեն: Այսօր եկել եմ ներկայացնելու, թե  քաղաքական դաշտը ինչպես է ձևավորվում  և  համապատասխան գործընթացները ինչպես են ընթանում »:

Համաձայն 2013թ-ի հունվարի 18, 19-ին ազգաբնակչության 1650 չափահաս բնակչի հարցման արդյունքում հարցման առաջարկ է արվել  2320 մարդու, որոնցից 670-ը կամ 29%-ը հրաժարվել են պատասխանել հարցերին  ՝ քաղաքականությամբ  չհետաքրքրվելու պատճառով: Ստացվել է հստակ  իշխանամետ և ընդդիմադիր ուժերի հաշվեկշիռը ՝ 6:4 –ի, սակայն երկու կողմերն էլ ունեն     կենտրանամետ զանգվածներ, որոնք, մնալով քաղաքական դաշտի այս կամ այն կողմը, այնուամենայնիվ, նախընտրում են   հակադիր կամ չեզոք թեկնածուին:  Համապատասխան  հարցման տվյալների՝ իշխանությանը ձայն կտա բնակչության 64.5%-ը, իսկ ընդդիմադիր   ուժը կունենա 35.5 % ձայն: Սակայն մեր իրականության մեջ կա նաև մի զանգված, որոնց ասում են էսկապիստ, որը փախչող, հեռացող զանցվածն է:

Սոցիոլոգիական կենտրոնի տնօրենի խոսքով՝ նախագահական ընտրական պայքարը ընթանում է Ս.Սարգսյանի, Ր. Հովհաննիսյանի, Պ. Հայրիկյանի, Հ. Բագրատյանի միջև:

ՀՀԿ-ից Սերժ Սարգսյանի օգտին կքվեարկի 20,7 %-ը, ԲՀԿ-ից Սերժ Սարգսյանի օգտին կքվեարկի 4,2 %-ը, ՀԱԿ-ից` 0,1 %-ը, ՀՅԴ-ից` 0,4%-ը, ՕԵԿ-ից` 0,2 %-ը:

Րաֆֆի Հովհաննիսյանին օգտին ՀՀԿ-ից կքվեարկի 0,8 %-ը, ԲՀԿ-ից`  3,4  %-ը, ՀԱԿ-ից` 0,5 %-ը, «Ժառանգությունից»` 1,7 %-ը, ՀՅԴ-ից` 0,4 %-ը, ՕԵԿ-ից` 0,1 %-ը:

ՀՀԿ-ից Պարույր Հայրիկյանի օգտին կքվեարկի 0,1 %-ը, ԲՀԿ-ից` 0,6 %-ը, ՀԱԿ-ից` 0,1 %-ը, «Ժառանգությունից»` 0,1 %-ը, ՀՅԴ-ից` 0,1 %-ը, ՕԵԿ-ից` 0,1%-ը:

Հրանտ Բագրատյանի օգտին, ըստ հարցման արդյունքների` ՀՀԿ-ից քվեարկելու է հարցման մասնակիցների 0,1 %-ը, ԲՀԿ-ի էլեկտորատից` 0,1 %-ը, ՀԱԿ-ից` 0,9 %-ը, «Ժառանգությունից»` 0,1 %-ը, ՀՅԴ-ից` 0,1 %-ը, ՕԵԿ-ից` 0,1 %-ը:

Իսկ այն հարցին, թե արդյո՞ք  կաշառք կբաժանեն այս ընտրություններին,  և  առհասարակ նման դեպքում կաշառք վերցնողը, թե տվողն է մեղավոր,  Ա. Ադիբեկյանը պատասխանեց.

«Կաշառքը մարմնավաճառության նման բան է: Ֆրանսիայում  մարմնավաճառության մեջ դատապարտում են կնոջը, Սկանդինավյան երկրներում դա  գործարք է դիտվում և մեղադրում են և´ կնոջը և´ տղամարդուն, Նյու Յորքում  տղամարդուն են մեղադրում, որը գումարով գայթակղել է կնոջը ,իսկ մեզ մոտ ՝ Հայաստանում, մեղավորությունը երկուսինն է, քանի որ եթե փող չտան, վերցնող էլ չի լինի»: