Նախկին փոխոստիկանապետ Ռոբերտ Մելքոնյանը ֆեյսբուքի իր էջում գրել է.

«Հայաստանի հանրապետության գիտակից քաղաքացիներ, թախանձագին
խնդրում եմ բացատրեք.
-Ինչպես կարելի է քննարկել, քննադատել մի ֆիլմ, որը դեռևս չի ցուցադրվել…
-Ինչպես կարելի է տաղանդավոր դերասանի վարպետությունը կասկածի տակ առնել, պատճառաբանելով, որ նա հանցագործի, օլիգարխի դեր է խաղացել…Ապա Ավետ Ավետիսյա՞նը, նրա խաղացած բացասական ու դրական բազմաթիվ դերե՞րը…
-Ինչպես կարելի է տրորել սրբությունները` Գարեգին Նժդեհի հիշատակը, առանց ֆիլմը դիտելու, կառչելով մեկ արտահայտությունից, էժանագին, մոնտաժված, ծաղրական «ֆիլմով» լցնել համացանցը…
-Ինչպես կարելի է արձագանքել ամեն ինչի, «կարծիքներ» արտահայտել,  գիտակ ձևանալ, առանց խորանալու երևույթների, բարձրացվող հարցի էության մեջ…
-Ինչպես կարելի է սովորել ավագ դպրոցում և չիմանալ խանդակաթ, գուռ, խույր բառերը և այդ մասին նույնիսկ բարձրաձայնել…
-Խնդրում եմ թվարկել վերջին քսան տարիներին մեր հայրենակիցների նկարահանած գեղարվեստական բարձրարժեք կինոնկարները…
-Ի՞նչ բարոյական նկարագիր է սա, ի՞նչ մարդկային տեսակ, ե՞րբ, որտեղի՞ց այսքան արագ բազմացան…»: