Ամերիկաբնակ Արմեն Հարեյանը ֆեյբուքյան իր էջում գրել է.

«Ապրի Արմենպրեսը «ամենաշատ վաճառված գրքերի ցանկը» կազմելու համար: Իսկ ցանկի առաջին և երկրորդ հորիզոնականներն էլ լավ հույս են ներշնչում:

Մեր մամուլում և իրականության մեջ շատ ենք տեսնում, հոդվածներ «ամենագեղեցիկ կանայք», «ամենասեքսի աստղերը»,  «ամենահարուստ դեսպանները», ամենամեծ այսինչը, ամենատանկ այնինչը և այլն: Բայց գիտեք, սա ձեզ ոչինչ չի տա: Ոչ մի բան:

Մեր հասարակությունը ծարավ է լավ արժեքների, իսկական արժեքների, մենք Թումանյան ու Նարեկացի կարդացող ժողովուրդ ենք, այլ ոչ թե վայրենի սերիալների սիրահարներ:

Սիրելի ՄԱՄՈՒԼ և ՄԵԴԻԱ/ՀԵՌՈՒՍՏԱՏԵՍՈՒԹՅՈՒՆ, Դուք մեր հասարակության մեջ արժեք ձևավորող շղթայի մեկ կարևոր օղակն էք: Սրա հետ գալիս գալիս է մեծ պատասխանատվություն: Դրա համար եկեք բոլորս լավ արժեքներ քարոզենք, որ լավ պտուղներ քաղենք, լավ ու հաճելի հասարակություն ունենանք:

Այ եկեք էսպիսի բաներով մրցենք, ուրախանանք ու զարմանանք:

«Արմենպրես» լրատվական գործակալությունը այսուհետ պարբերաբար կներկայացնի Երևանի գրախանութներում ամենաշատ վաճառված հայերեն գեղարվեստական գրքերի ցանկը: Առաջին անգամ կատարած հարցումների արդյունքում պարզվեց, որ նախորդ յոթ օրերի ընթացքում ամենաշատ գնված գրքերի ցանկը գլխավորում է Հովհաննես Թումանյանի «Հեքիաթները»:

Երկրորդ տեղում Գրիգոր Նարեկացու կրկնակի շապիկով «Մատյան ողբերգության» գիրքն է: Հայերեն թարգմանված գրքերից ամենաշատը գնում են Պաուլո Կոելոյի «Ալքիմիկոսը» և Հանս Քրիստեան Անդերսենի «Հեքիաթները»»: