Ներկայիս իրականության մեջ փոքր թիվ չեն կազմում այն կազմավորումները , որոնք ոչ միայն բացահայտ չեն ներկայացնում իրենց ծավալած գործունեությունը, այլև առհասարակ թաքցնում են իրենց գերնպատակը: Մինչ 2000թ-ը «Մասոն» անվամբ հայտնի կազմավորումը ևս ծավալում էր միստիկ գործունեություն, իսկ հիմա արդեն փոքր- ինչ տեղեկություններ են հաղորդում իրենց մասին: Մասոններն, ի տարբերություն Քրիստոնեական վարդապետության, ասում են, թե՝ փորձում են աշխարհը լուսավորել այլ ուղղությամբ:

Ո՞րն է այս մարդկանց նպատակը, ու՞ր են ուզում տանել մարդկանց իրենց քողարկված նպատակներով: Մասոնական խորհրդանիշերի մի հավաքածու տեսնում ենք 1 դոլարանոցի վրա: Շատ քչերին է հետաքրքրում այս թղթադրամի վրա տեղ գտած սիմվոլների խորհուրդը, քանի որ շատերի համար դրանք  ընդամենըգեղարվեստական գեղեցիկ լուծումների բնույթ են  կրում: Եթե լատիներենից թարգմանենք ANNUITCOEPTIS_կստացվի` հայտարարում ենք ծնունդը, սրա աջ մասում կարդում ենք`NOVOS ORDO SELLORUM`նոր դարաշրջանի կարգավիճակ: Իսկ մյուս մասում գրվածն ապացուցում է, որ նրանց անդամ կարող են դառնալ միայն իրենց կողմից ընտրված մարդիկ`E  PLURABUS  UNUM`շատերի միջից միայն մեկը:

Սա միայն մեկ ապացույց այն իրողության, որ այս մարդիկ ունեն հռչակ և իշխանություն, քանի որ այս թղթադրամը բոլոր երկրներում է շրջանառվում և ունի 13 –ի և 33-ի խորհուրդը, իսկ այս թվերը մասոնական բարձրաստիճանների հավակնողների պաշտոնն է:

Ի դեպ՝ մասոնական բարձրաստիճանների են արժանացել եհովականների առաջնորդ Չարլզ Թեյզ Ռասլը և մորմոնների աստեղային դեմքերից` Ջոզեֆ Սմիթը:

Լև Տոլստոյ, Մոցարտ, Բեթհովեն, ԼեդիԳագա, Ռիհաննա, Բիյոնսե, Սարկոզի, Ջ. Բուշ, Բ. Օբամա, Թալեաթ, ՌուբենԳևորգյանց…

Սա ոչ ժամանակագրական ծաղկաքաղ է, ոչ էլ պարզապես ճանաչված ու հռչակ վայելող մարդկանց պատահական ներառում մեկ խմբի մեջ: Իրականում այս մարդիկ այնպիսի գաղափարական կազմավորման անդամներ են, որոնք ծառայում են մեկ նպատակի, իսկ այդ կազմավորման անունը մասոն է:

Թե´քաղաքական ոլորտում, թե´արվեստի մեջ այս օթյակին պատկանող մարդիկ, իրենց ասելով, եկել են լուծելու մեկ խնդիր ՝ մարդկանց դարձնել հանդուրժող՝ լինելով տարբեր կրոնների տեր:

Այն, որ մեր երկրում բավականին կայացած օթյակ կա, որին անդամակցում են «ոչ հասարակ  անվան տեր», հայտնի է շատերին: Սակայն նրանց անունները չեն շրջանառվում, փոխարենը՝ օթյակի հայտնի, հավատարիմ ու անփոխարինելի անդամներից են իրավաբան Արմեն Ջանյանը, Հայաստանի կինոգործիչների միության նախագահ Ռուբեն Գևորգյանցը, գյուղատնտեսության նախկին նախարարի տեղակալ Լևոն Ռուխկյանը: Իրեն հպարտորեն մասոն անվանող Ռուբեն Գևորգյանցը մասոնների ծավալած գործունեությունը բարեգործություն է անվանում:

Ինչու՞ են բարեգործները թաքցնում իրենց գործունեությունը,ինչու՞ են իրենց թիմակիցների անունները գաղտնի պահում. սրանք հարցեր են, որոնց միայն իրենք կարող են պատասխանել:

Մասոնների մասին մեր ունեցած տեղեկությունները, ցավոք, շատ չեն.գաղտնիությունը, որը պարտադիր պայման է նրանց ուսմունքի համար, կարող է մի քանի նպատակ հետապնդել. հուսանք, երբ պարզվի նրանց իրական նպատակները՝ ուշ չի լինի:

Ս.Ստեփանյան