Այսօր՝ հունվարի 10-ին, Ոստիկանության Երևան քաղաքի վարչության ձերբակալվածների ժամանակավոր պահման վայր տեղափոխվեց Երևան քաղաքի Կուրղինյան փողոցի 15 շենքի 10-րդ բնակարանում հաշվառված 52 ամյա Սերգո Երեմյանը:
Ինչպես հայտնում է ֆոտոլրագրող Գագիկ Շամշյանը, նրա նկատմամբ ոստիկանության քննչական գլխավոր վարչության Երևանի քննչական վարչության Մալաթիա-Սեբաստիայի բաժնի քննչական բաժնում հարուցվել է քրեական գործ ՀՀ Քր. Օր.-ի 104 հոդվածի 1-ին մասի (սպանություն) հատկանիշներով:
Ինչպես ավելի վաղ դեպքի վայրից հայտնել էր ֆոտոլրագրող Գագիկ Շամշյանը, Ոստիկանության Մալաթիա-Սեբաստիայի բաժնի աշխատակիցները Կուրղինյան փողոցին հարակից Դալմայի այգիներ այգեգործական տարածքի կիսակառույց տնակի հետնամասում հայտնաբերել էին տղամարդու մասնատված դի: Պարզվել էր, որ տեղի ունեցածը սպանություն էր, իսկ սպանվածը Կուրղինյան փողոցի բնակիչ 48 ամյա Արա Հունանյանն էր:
Ֆոտոլրագրողը հայտնում է, որ Ս. Երեմյանը նախկինում դատապարտված է եղել ԽՍՀՄ քրեական օրենսգրքի 99 հոդվածի (դիտավորյալ սպանություն ) հատկանիշներով և կալանքից ազատվել է 1996 թվականի սեպտեմբերին:
Նա փաստացի բնակվելուց է եղել նշված կիսակառույց տնակում: Ա. Հունանյանը բազմաթիվ անգամ օգնության ձեռք է մեկնել Ս. Երեմյանին, և սպանության օրը նույնպես օգնության նպատակով այցելել է նրան և ինչ-որ հարցի շուրջ վիճաբանություն է տեղի ունեցել և Ս. Երեմյանը իբրև ճանապարհելու նպատակով հետևից հարվածներ է հասցրել Ա. Հունանյանին, որից հետո դին մասնատել է տնակում, և դին տեղափոխել է հետնամաս և կտորով փաթաթել, ինչպես նաև փորձել է քողարկել հողի, խոտի և երկաթե ճաղավանդակի տակ:
Ֆոտոլրագրողը հայտնում է, որ երբ դին հայտնաբերվել է, դատական բժիշկն ու փորձագետը կտորը քանդելուց հետո նոր ականատես եղան դաժան տեսարանին:
Ըստ ֆոտոլրագրողի Ս. Երեմյանը արդեն ինքնախոստովանական ցուցմունք է տվել: Իսկ առաջիկա օրերին քննչական մարմինը դիմելու է Մալաթիա-Սեբաստիա վարչական շրջանի ընդհանուր իրավասության դատարան, որպեսզի նրա նկատմամբ որպես խափանման միջոց ընտրվի կալանավորումը:
Գ. Շամշյանը հայտնում է, որ սպանվածը ավարտել էր տնտեսագիտական համալսարանը և աշխատում էր «Գրանդ Տոբակո» ընկերությունում, իսկ նրա տղան օրեր էր առաջ էր զորացրվել Զինված ուժերից:
shamshyan.com
- 23:28Լաչինի միջանցքով անցնող մարդկանց տվյալները հայտնվում են Ադրբեջանի ձեռքում․ ամենասուր հումանիտար խնդիրների դեպքում անգամ ադրբեջանցիները պարտադրում են, որ մարդիկ անցագրային ստուգում անցնեն
- 15:10Ուզում եմ թագավոր լինել՝ պատերազմներին վերջ տալու համար. Աննա Հակոբյանը ներկայացրել է հայ տղայի պատմությունը
- 14:10Ադրբեջանը տեղեկատվություն է տրամադել ՄԻԵԴ-ին 2 հայ զինծառայողների վերաբերյալ
- 13:10Ինչո՞վ է պայմանավորված ԱՄՆ-ի և ԵՄ-ի հանկարծակի բարձր ակտիվությունը հայ-ադրբեջանական կարգավորման հարցում․ ՌԴ ԱԳՆ ներկայացուցիչ
- 12:10Տեղ համայնքում որևէ բնակիչ ադրբեջանական ներխուժումից հետո կորցրած տարածքները հետ չի ստացել. ավագանու անդամ
- 11:10Ռուսական կառավարությունը Հայաստանին լքել է. Գերմանիայի Բունդեսթագի հանձնաժողովի նախագահ
- 15:10Խորհուրդ Ալիևին. շարունակի՛ր վարկաբեկել Ադրբեջանի հեղինակությունը
- 14:10Ռուսաստանի ու Թուրքիայի լիդերները հիմա ակնհայտորեն միմյանց կարիքն ունեն, բայց երկրների մակարդակով ռազմավարական գործընկերներ դառնալը բացառվում է
- 13:10ՄԻԵԴ-ը Ռուսաստանին պարտավորեցրել է Նավալնուն 40 հազար եվրո վճարել նրա թունավորումը հետաքննելուց հրաժարվելու համար
- 12:10Ինչի՞ց է վախենում Կոռուպցիայի կանխարգելման հանձնաժողովը Փաշինյանի զոքանչին ու աներորդուն պատասխանատվության կանչելու հարցում․ Hetq.am