Tigran Hovhannisyan.Մեծարգո պարոն Ծառուկյան, Հետևում էի բրյուսելյան Ձեր այցի լուսաբանմանը: Այն մարդիկ, ովքեր գրել են Ձեր հանդիպման մամլո հաղորդագրությունը, կա՛մ տգետ են, կա՛մ իսկապես որոշել են Ձեզ կործանել: Եվրոպաշտոնյայի հետ խոսակցության մեջ ինչ-որ կոնտեքստում հնչած կամ չհնչած, ամենայն հավանականությամբ որևէ արձագանք չստացած՝ կոռուպցիայի մասին նախադասությունը խցկելը տեքստի մեջ ոչ միայն փորձի բացակայություն է, այլև նախադեպ, որից կզգուշանան ապագայում բոլոր պաշտոնյաները, ում հետ կփորձեք հանդիպել: Դուք բացեցիք պանդորայի արկղը: Հիմա արդեն լեգիտիմորեն Ձեր գլխին կթափվեն բոլոր տիպի «դոդ», «բռնաբար», «անգրագետ», «գող» ու նման արտահայտությունները: Հավատացնում եմ՝ էլ չեք կանգնեցնի: Դուք հիմա դուրս կգաք բաց դաշտ ու նոր կհասկանաք՝ ինչ ա թափվելու ու ինչ ծավալով: Ձեր նյարդերը տեղի կտան: Հավատացեք՝ մի 7 օրում տեղի կտան: Այդ ժամանակ նայեք՝ մի հիմարություն չանեք: Հիշեք այն բոլոր տղերքին, որ անհամբեր սպասում են այդ հիմարությանը, որը Ձեր վերջը կտա, ու իրանք կբաժանեն Ձեր ունեցվածքը: Ես «Դոդի Գագո» արտահայտությանը դեմ եմ՝ հուսամ՝ հասկանում եք ասածիս իմաստը: Բարին ընդ Ձեզ:
Տիգրան Հովհաննիսյան
Սիդնեյ, Ավստրալիա