«Հայկական Վարկած»-ի տեղեկություններով, ՀՀ նախկին «միամիտ ու անտեղյակ» ԱԳ նախարար Վարդան Օսկանյանն այս օրերին տարբեր ուղղություններով փորձում է «լվանալ» տարիների ձեռք բերած իր եկամուտն ու դրսի փողերը, որոնք, այս դեպքում, «Սիվիլիթաս» կոչվածի հետ որևէ առնչություն չունեն:

Նույն միամիտ ու սպիտակ ձեռնոցներով իրեն «ռասկռուտկա» անող Օսկանյանն, այս օրերին, իր մերձավոր շրջապատի` հատկապես իր շարքերում ինտեգրված գործարար կանանց մի խմբակի միջոցով, նոր ընկերություններ է գնում — վաճառում`փորձելով այդ կերպ «մաքրել» իր ունեցած կապիտալները:

Ի դեպ, Օսկանյանն իր մանկլավիկներին աշխատեցնում է հատկապես ԱՄՆ-ի ու Թուրքիայի տարածքում, ուր նրա համար «գործ» անողներն անուն են հանում, թե` իքս ընկերություն են ձեռք բերել օտար երկրում, որն՝ ուր որ է` իր ներդրումներով բախելու է ՀՀ-ի դռները:

Օսկանյանն իր տարատեսակ գործարքների համար, տարբեր առիթներով, օգտագործում է նաև իրեն օր ու մեջ պատգամավոր ու երկրի նախագահի թեկնածու պատկերացնող, և պարբերաբար, բայց միևնույն ժամանակ «սուտի խաղեր» տվող հայտնի կին գործարարներից մեկին, որի մասին մենք դեռ առիթ կունենանք խոսելու:

Օսկանյանի «կրուգի» օպերացիաների մեջ չի բացառվում, որ ներքաշված լինի նաև գործարար Սիլվա Համբարձումյանը, սակայն դա այլ թեմա է: Բայց այդ մասին, ինչպես Ծառուկյանը կասեր` կխոսենք հաջորդ դասին:
Իսկ թե, որտե՞ղ է առհասարակ թաղված Սիլվա Համբարձումյանի մութ գործարքների «գլուխը», «Հայկական Վարկած»-ը կներկայացնի համապատասխան հետաքննության շրջանակներում:

Արամ Մանուկյան