Նոյեմբերի 23-ի գիշերը Եվպատորիայի ափամերձ հատվածում հայտնաբերված խեղդված կնոջ՝ Նաթելլա Գալստյանի դիակը, որի երկու որդին և եղբայրը  իրականացրեցին ժամանակի ամենաաղմկահարույց  սպանությունները՝ հոկտեմբերի 27-ին ՀՀ ԱԺ դահլիճում սպանելով ՀՀ վարչապետին և ԱԺ նախագահին և մի շարք անմեղ մարդկանց: Այս մասին գրել են ռուսական լրատվամիջոցները:

Ոճրագործներ Նաիրի և Կարեն Հունանյանները ունեն նաև երրորդ եղբայր՝ Արմենը, որը 27 –ի դեպքերից հետո մոր հետ վերջնականապես հաստատվեց  Եվպատորիայում, հորը՝ Հրաչ Հունանյանին թողնելով անօթևանների կենտրոնում: Ճիշտ է, կամազուրկ ու ընտանիքում մի կողմ մղված հորը նախկինում էլ մայրն ու որդիները հաշվի չեն առել, ու միշտ էլ տան ղեկը եղել է կնոջ ձեռքին, որին ինտիլիգենտ ու թուլամորթ Հրաչ Հունանյանը հրեշ էր համարում, սակայն երևանում գտնվող տունը նրանն էլ էր ու տղան մոր հետ եկել էր Հայաստան, որպեսզի ստանա ծերունու համաձայնությունը բնակարանը վաճառելու հարցում:

Իսկ Նաթելան, ամուսնու պատմելով, միշտ էլ եղել է անհավասարակշիռ անձնավորություն, ու վերջին տարիներին հաշվառված է եղել հոգեբուժարանում:

Այն, որ Նաթելլան որդու՝ Արմենի հետ միասին ուղևորվել է Հայաստան՝ մյուս որդիներին տեսակցելու,և  ուղևորությունը շատ բարդ է եղել ու կինը սկսել է օգտագործել հոգեմետ դեղեր, այնքան էլ մոտ չէ իրականությանը:

Հոգեկան հիվանդությունն է եղել պատճառը, որ կինը դիմել է ինքնասպանության: Իսկ որ դա ինքնասպանություն է եղել կարելի է փաստել. պրակտիկան ցույց է տալիս, որ ինքնասպանության գնացող կանայք, ի տարբերություն տղամարդկանց, ջուրը նետվելուց առաջ կոշիկները հանում են, իսկ այս դեպքում կնոջ կոշիկները գտել են ափին:

Հունանյանների հարևանը պատմել է, որ սկզբում եկեղեցին հրաժարվել է անցկացնել Նաթելլա Գալստյանի հուղարկավորության արարողությունը, քանի որ եկեղեցին «չի ընդունում ինքնասպաններին», սակայն հարազատները կարողացել են համոզել քահանային։ Վերջինս համաձայնվել է, քանի որ դատաբժշկական եզրակացության համաձայն՝ մահվան պատճառը սրտի կաթվածն է եղել: