Armen Dulyan. Ինչո՞ւ են հայերը այդքան խելոք, բայց այդքան վատ ապրում…
Մարդկությունը գնալով կորցնում է իր մտավոր կարողությունները… Այս՝ առաջին հայացքից խիստ վիճահարույց տեսությունը որոշ գիտնականներ այսպես են բացատրում՝ a team from Stanford University claim we are losing our intellectual and emotional capabilities because we no longer need intelligence to survive. Ինչպես հասկացաք, պատճառն այն է, որ մարդկությունն այլեւս գոյատեւելու խնդիր չունի, ուրեմն առանձնապես խելք էլ պետք չի: Հենց սրանով էր, ըստ երեւույթին, բացատրվում է, թե ինչու է հայ ժողովուրդն այդքան խելոք՝ որովհետեւ անընդհատ գոյատեւելու խնդիր ունի… Սա ի դեպ բացատրում է նաեւ, թե ինչու խելոք ժողովրդի ընտրյալներն այնքան էլ խելոք չեն՝ որովհետեւ գոյատեւելու խնդիրը նրանց մոտ սահմանափակվում է մի պարզունակ գաղափարով՝ հայտնվել ցուցակում… Իսկ երբ գոյատեւման պայքար մղող, բայց ցուցակում չհայտնված խելոք հայերը հասկանում են, որ ապագա չունեն եւ հեռանում է այլ երկրներ, ցուցակում հայտնվածները կամ այդ ցուցակը գլխավորողները, պաշտոնապես այցելելով այլ երկրներ, հպարտությամբ փաստում են, թե ինչ մեծ ներդրում ունեն խելոք հայերը տվյալ երկրի զարգացման մեջ… Այստեղից հետեւություն՝ որպեսզի բոլորս լավ ապրենք, անհրաժեշտ է, որ խելոքները ոչ թե հեռանան երկրից, այլ մտնեն ցուցակի մեջ… Բայց հենց որ մտան ցուցակի մեջ, գոյատեւման պայքարը կավարտվի ու խելոքները կսկսեն կորցնել իրենց մտավոր կարողությունները… Այ հենց այստեղ է թաքնված շատ գլուխը՝ մենք այնքան խելոք ենք, որ անընդհատ մտածում ենք՝ որն է ավելի լավ՝ մտնել ցուցակի մեջ, թե հեռանալ… Իսկ մնացած մարդկությունը, կորցնելով իր մտավոր կարողությունները, գնալով ավելի ու ավելի լավ է ապրում…