Մարդու իրավունքների պաշտպանի աշխատակազմը տարածել է հաղորդագրություն, որում մասնավորապես ասված է.
«Նաիրիտ գործարանի նախկին աշխատակից Կարեն Իսրաելյանը դիմել է դատարան գործարանի կողմից տարիներ շարունակ իրեն չվճարված աշխատավարձի գումարը ստանալու համար։ Դատարանը կայացրել է բռնագանձնման վճիռ, որի հիման վրա Դատական ակտերի հարկադիր կատարումն ապահովող ծառայությունը /ԴԱՀԿ/ կատարողական վարույթ է հարուցել։ Արդյունքում արգելանք է դրվել գործարանին պատկանող գույքի վրա, այնինչ ըստ օրենքի արգելանքը պետք է դրվեր դրամական միջոցների վրա, ինչը ԴԱՀԿ ապահովող ծառայության առաջնահերթ պարտավորությունն էր։ Հարկադիր կատարողների կողմից օրենքի հստակ պահանջի ակնհայտ խախտման հետևանքով էլ Կարեն Իսրաելյանին հասցվել է զգալի նյութական վնաս՝ առ այսօր նրան չի վճարվել 5 600 000 դրամ։
Կարեն Իսրաելյանը դիմել Մարդու իրավունքների պաշտպանին` խնդրելով նրա միջնորդությունը` պարտավորեցնել ԴԱՀԿ ապահովող ծառայությանը կատարել օրենքով սահմանված իր պարտավորությունը:
Պաշտպանը գրություններ է ուղարկել Արդարադատության նախարարություն՝ որպես ԴԱՀԿ ապահովող ծառայությունը վերահսկող մարմին, սակայն Պաշտպանի միջնորդությանն ի պատասխան Արդարադատության նախարարության կողմից այդպես էլ չի ապահովվել պարտապան ընկերության դրամական միջոցների վրա արգելանքի կիրառումը: Արդյունքում, Պաշտպանը Արդարադատության նախարարությունից պահանջել է վերացնել Կարեն Իսրաելյանի իրավունքի խախտումը և միաժամանակ պատասխանատվության ենթարկել խախտումը թույլ տված հարկադիր կատարողներին»:
- 14:1037-ամյա տղամարդու առողջությանը դիտավորությամբ ծանր վնաս պատճառելու արդյունքում անզգուշությամբ նրա մահն առաջացնելու կասկածանքով ձերբակալվել է եղբայրը
- 13:10Դատախազությունը Հայկ Մարությանի հայտարարությունների մասով հանցագործության որևէ հանգամանք կամ փաստական տվյալներ չի հայտնաբերել
- 15:10Փոխգնդապետ Արա Մխիթարյանին դաժանաբար ծեծի ենթարկելու գործով Հարություն Գրիգորյանը դատապարտվել է 5 տարվա ազատազրկման
- 11:10Երբ հայ զինծառայողը հրաժարվել է կրոնափոխ լինել, այրել են նրա ոտքը, դաժան ծեծի ու ծաղրի ենթարկել. ՄԻՊ
- 13:1041-ամյա տղամարդն աղջիկներից մի քանիսին ուղարկել է նաև պոռնկագրական տեսաֆիլմեր․ նա կալանավորվել է
- 11:109 անձի, այդ թվում ՊԵԿ աշխատակիցների, մեղադրանք է առաջադրվել կաշառք ստանալու, տալու և կաշառքի միջնորդության համար
- 11:10Վայոց ձորում հայտնաբերվել է Ժամկետային զինծառայողի դի` գլխի մասում հրազենային վիրավորումով. ձերբակալվել է ծառայակիցը
- 15:10Կալանավորը «Հրազդան» ՔԿՀ-ի պաշտոնատար անձանց կաշառք է տվել. գործը դատարանում է
- 13:10Նահատակված զինծառայողների դիերն ու մասունքները պարկերով նկուղում ու արևի տակ պահելու համար ոչ ոք չի պատժվի
- 12:10Դատավորները ճիշտ էին, ԱԱԾ-ն՝ սխալվեց. Նիկոլ Փաշինյանի ենթադրյալ սպանության նախապատրաստման գործը գոյություն չունի