Այսօր լրագրողների հետ հանդիպման ժամանակ  Տեր Շմավոն քահանա Ղևոնդյանը ասաց, որ Հայաստանում այսօր կա քահանա, որ 12 գյուղ է սպասարկում: Եկեղեցին այստեղ անելիք ունի և հոգևորականների է աճեցնում:

Նրա խոսքով, ժամանակին ավելի վատ պատկեր ենք ունեցել. «Այսօր մենք ունենք ամուսնացյալ մոտ 300 քահանաներ, իսկ 10-ը տարի առաջ մենք ունեինք հազիվ 100-ին հասնող քահանաներ:  Քահանա պատրաստելը շատ արագ գործ չէ: Ամենաքիչը քահանայի, հոգևորականի ուսուցման ընթացքը տևում է մոտ 3.5 տարի: Այն պայմանում, երբ անձը, ով ուզում է քահանա դառնալ բարձրագույն ավարտ է և միայն քահանայի լսարանն է ավարտում:Բայց կա նաև ճեմարան, որի դասընթացների ընթացքը 5-6 տարի է տևում: Դիպլոմային աշխատանք ևս ավարտում է  և նոր գործունեություն է  ծավալում»,- ավելացրեց Տեր Շմավոնը: Նա ընդգծեց, որ ամբողջ Արարատյան թեմում 46 քահանա ունեն, որից  մոտավորապես 30-րը ծառայում են Երևանում և նշեց, որ ժամանակի հետ քահանաների թիվն էլ կավելանա.«Արարատյան հայրապետական թևը մոտ 46 հոգևորական ունի ևգրեթե 20-30 սարկավագներ, դպիրներ: Այսօր Մայր Աթոռի միաբանների թիվը անցնում է 200-ից: Իսկ անցած տարվա քահանայական հավաքին ներկա էին 300-ից ավել հոգեւորականներ, չհաշված այն հոգեւորականները ովքեր մնացել էին  եկեղեցիներում հերթապահության»,- նշեց Տեր Շմավոնը և կարծիք հայտնեց, որ  յուրաքանչյուր քաղաքի զանգված, թաղամաս պետք է ունենա իր հոգևորականը: Ըստ նրա Երևանում ամենաքիչը մոտ  300 հոգևորականներ են անհրաժեշտ. «Եթե դիցուք մեկ միլիոնը բաժանենք 300-ի, ապա ամեն մի հոգևորականը 3 հազար բնակչի կսպասարկի: Բայց, թե երբ դա կիրականանա, ես չեմ կարող ասել»,- ավելացրեց Տեր Շմավոնը: