Վարչապետ Տիգրան Սարգսյանը հայտարարությունը, որ առ այս պահը ուժի մեջ է նախկին կոալիցիոն կառավարության և այդ թվում՝ ԲՀԿ–ից իր առաջնորդ Գագիկ Ծառուկյանի մակարդակով ստորագրությունը՝ 2013-ին Սերժ Սարգսյանի թեկնածությունը պաշտպանելու մասին, ԲՀԿ խմբակցության քարտուղար Նաիրա Զոհրաբյանի գնահատմամբ՝ նույնն է, թե ասել, որ ուժի մեջ է Սևրի պայմանագիրը։ Այս մասին այսօր նա հայտարարեց ԲՀԿ–ական Վահե Հովհաննիսյանի հետ ԱԺ ճեպազրույցների ժամանակ։
«Եթե փորձենք շարունակել Տիգրան Սարգսյանի տրամաբանությունը, ապա պիտի ասենք, որ նա շարունակում է մնալ ԱԺՄ անդամ և պարտավոր է պաշտպանել այդ կուսակցության նախագահ Վազգեն Մանուկյանի թեկնածությունը»,– հավելեց Նաիրա Զոհրաբյանը, ում անձնական կարծիքով նախագահական ընտրություններում ԲՀԿ-ն պետք է հանդես գա սեփական թեկնածուով և նա պետք է լինի Գագիկ Ծառուկյանը։
Վահե Հովհաննիսյանն էլ իր կողմից պարզաբանեց, որ իրականում Հուշագրի հարցը «Բարգավաճ Հայաստանից» դուրս է և ավելի շատ այլ կուսակցությունների կողմից է քննարկվում։
Ըստ բանախոսի, այն պահից սկսած, որ ԲՀԿ–ն մաս չկազմեց կոալիցիոն կառավարությանը, այդ պահից սկսված այն հուշագիրն ունի զուտ պատմագրական նշանակություն։
ԲՀԿ-ական պատգամավորներն անդրադարձան նաև անցնող քառօրյայի ընթացքում առաջին ընթերցմամբ ընդունված «Հայաստանում նվազագույն աշխատավարձի մասին» օրինագիծը 2500 դրամով ավելացնելու մասին կառավարության ներկայացրած օրենքի նախագծին։ Այն «Բարգավաճ Հայաստանի» համար բացարձակապես անընդունելի է եղել, սակայն դրան խմբակցությունը ձեռնպահ է քվեարկել՝ հաշվի առնելով հարցի բարոյական կողմը։ «Որովհետև այսօր երկիրն այնպիսի ծայրահեղ վիճակի է հասցված, որ այդ 2500 դրամը տասնյակ հազարավոր ընտանիքների համար կարող է օրվա հացի խնդիր լուծել»,– ասաց Նաիրա Զոհրաբյանը:
Tert.am
- 15:10Իսրայելական հեռուստաալիքը քարոզչություն է հեռարձակում ադրբեջանա-իսրայելական ռազմական հարաբերությունների մասին
- 14:10Իմ ձեռքերի մեջ է մահացել, ասեց՝ մրսում եմ, բուշլատով ծածկեցինք, ջուր էր ուզում՝ ջուր չկար, կոմպոտ ենք տվել. Վկան դատարանում պատմեց զինծառայողի մահվան դրվագը
- 13:10Ադրբեջանը ձգտում է վերանայել Լաչինի միջանցքի հատուկ կարգավիճակը՝ փոխելով իրավիճակը գետնի վրա. Արցախի ԱԳ նախարար
- 12:10Հայ գիտնականները կանխատեսել են մեր տարածաշրջանում սեյսմիկ անոմալ դրսեւորումները. «պրոցեսը դեռ շարունակվում է»
- 11:10Թուրք նահանգապետը ծիծաղել է երկրաշարժից տուժվածների վրա. Հավաքավածները բողոքի ալիք են բարձրացրել
- 15:10Սեյրան Օհանյանի դեմ ցուցմունք է տվել նաև Գրիգորի Խաչատուրովը
- 14:10Բանակը քանդողները չեն կարող ինձ մեղադրել. Սեյրան Օհանյան
- 13:10Թուրքիան մերժել է երկրաշարժից հետո որպես օգնություն Starlink ուղարկելու Մասկի առաջարկը
- 12:10Արցախի Ազգային ժողովի բոլոր խմբակցությունները խստորեն դատապարտում են Գուրգեն Արսենյանի վարքագիծը և կոչ են անում հարցը քննարկել Էթիկայի հանձնաժողովում
- 11:10Մեր տարածքը ևս գտնվում է սեյսմոակտիվ գոտում․ Արտյուշ Գրիգորյան