ՀՀ ոստիկանության հասարակայնության և լրատվության հետ կապերի վարչության նաախաձեռնությամբ ԵԱՀԿ երևաանյան գրասենյակի աջաակցությամբ հոկտեմբերի 20-21-ը Ծաղկաձորում անկցկացվող  ՀՀ ԶԼՄ-ների և  ներկայացուցիչների և ոստիկանության ծառայողների համար` «Ոստիկանության գործունեության լուսաբանման առանձնահատկությունները» թեմայով համաժողովի ընթացքում ՀՀ ոստիկանապետ Վլադիմիր Գասպարյանը նշեց, որ լրագրողները շատ նման են ոստիկաններին իրենց տեսակով, մասնագիտական խորամանկությունով, հոտառությամբ. «Մենք բոլորս ոգևորվողներ ենք: Դրա մեջ, ոչ մի վատ բան չկա, բայց շտկման կարիք ունի: Լրագրողները , երբ ինֆորմացիայի են տիրապետում, անպայման ցանկանում են թղթին տալ: Տվեք , բայց կարելի է մեզ էլ հարցնել: Միգուցե մենք օգնենք: Ավելի ուժեղացրեք: Մենք չպայքարենք ինչ-որ բանի դեմ, այլ աշխատենք դա վերացնելու համար»,- առաջարկեց Վլադիմիր Գասպարյանը:

Նրա խոսքով, այս քսան տարիների ընթացքում այնքան ենք պայքարել, որ տպավորություն է  ստեղծվում, որ պայքարում ենք ամեն ինչում` պայքարում ենք շնչելուց, արտաշնչելուց, բարևելուց, լավն ու վատը ասելուց. «Պայքարում ենք, որվհետև ոստիկանի հայացքը դուր չեկավ, աչքերի գույնը դուր չեկավ, կամ ծնվել էր չորեքշաբթի օրը: Չանենք այդպես, լինենք արդար և ազնիվ: Եվ  եթե ես խախտեմ իմ խոսքը, թող առաջինը քար դուք նետեք իմ ուղղությամբ»,- ավելացրեց Վլադիմիր Գասպարյանը: