Նախագահ Սերժ Սարգսյանն այսօր ներկա է գտնվել մայրաքաղաքում «Դալմա Գարդեն մոլ» բազմաֆունկցիոնալ համալիրի բացման պաշտոնական արարողությանը, այս մասին տեղեկացնում են նախագահական գրասենյակի մամուլի ծառայությունից:
Բացման արարողությունն իրականացրած Երևանի քաղաքապետ Տարոն Մարգարյանի և համալիրի սեփականատեր «Տաշիր գրուպ» ընկերության նախագահ Սամվել Կարապետյանի ուղեկցությամբ Սերժ Սարգսյանը շրջել է նորակառույց համալիրում:
Նախագահին ներկայացվել է, որ ավելի քան 45.500 քմ տարածքով կենտրոնը կառուցվել է նման համալիրներին ներկայացվող ամենաբարձր պահանջներին համապատասխան, ինչի շնորհիվ հնարավոր է դարձել ապահովել մի շարք աշխարհահռչակ ապրանքանիշերի ներկայությունը։
Առևտրային գոտում ապրանքանիշեր և արտադրողների ներկայացնող վաճառքի սրահներից բացի, «Դալմա Գարդեն մոլ»-ը ներառում է ժամանցի գոտի, կինոթատրոններ, մանկական խաղահրապարակ, սրճարաններ և հիպերմարկետ:
«Դալմա Գարդեն մոլ»-ը հավակնում է դառնալ նաև տարբեր միջոցառումների՝ ցուցահանդեսների, շնորհանդեսների, նորաձևության ցուցադրությունների, համերգների ու այլ հանդիսությունների անցկացման վայր և համաքաղաքային առօրյայի անբաժանելի մաս:
Համալիրի բացման արարողությունից հետո, Սերժ Սարգսյանն այցելել է մայրաքաղաքում ամեն տարի ավանդաբար անցկացվող «Արմպրոդէքսպո» մասնագիտացված ցուցահանդես, որտեղ իրենց արտադրանքն են ներկայացնում սննդարդյունաբերության ոլորտի հայրենական առաջատար կազմակերպությունները՝ սննդամթերք և խմիչք արտադրողները, մատակարարները, ինչպես նաև ոլորտի փոքր և միջին բիզնեսի ներկայացուցիչներ, որոնց արտադրանքը ևս արդեն որոշակի տեղ է զբաղեցնում հանրապետության ներքին շուկայում: Սերժ Սարգսյանը, ՀՀ գյուղատնտեսության նախարարի և ցուցահանդեսի կազմակերպիչների ուղեկցությամբ, շրջել է «Արմպրոդէքսպո»-ի տաղավարներով, զրուցել ցուցահանդեսի մասնակիցների հետ, ծանոթացել նրանց ներկայացրած արտադրանքին և զարգացման ծրագրերին:
- 15:10Բացահայտվել է աննախադեպ քանակի հեռախոսների մաքսանենգության դեպք. ՊԵԿ
- 14:10Մեզ փորձում են համակերպել ինքնասպանության հետ. Արման Աբովյան
- 13:10Ուկրաինացի գեներալը նշել է Ռուսաստանի «ներխուժման ամսաթիվը»
- 12:10Հայաստանից դրական լուրեր ենք ստանում «Զանգեզուրի միջանցքի» ստեղծման մեկնարկի վերաբերյալ. Ալիև
- 11:10Բնակիչների համբերությունն արդեն հատել է.Կարմիր Շուկա գյուղի բնակիչները խաղաղապահների միջոցով ադրբեջանցիներին ներկայացրել են իրենց պահանջները
- 15:10Ուկրաինայի եւ ՌԴ-ի միջեւ ճգնաժամը Հարավային Կովկասում կարող է նոր պայթյունավտանգ իրավիճակ ստեղծել
- 14:10Երկիրն ունի ոչ միայն ներքին, այլև արտաքին երես. Գևորգ Դանիելյանն անդրադարձել է Ադրբեջանի և Թուրքիայի ակնհայտ հակահայկական հերթական գործողություններին
- 13:10Բորիս Ջոնսոն. Ուկրաինան կարող է «նոր Չեչնիա» դառնալ Ռուսաստանի համար
- 12:10Երրորդ համաշխարհային պատերազմի ամենաիրական վտանգը՝ Կուբայից 60 տարի անց. ՆԱՏՕ-ն զորքեր է տեղակայում ՌԴ սահմանների մոտ
- 11:10Տարին չկսկսված ԱԺ-ում պարգեւատրում են բաժանել