Օրերս <Հայկական Վարկած>-ին  դիմած քաղաքացիները դժգոհություն էին հայտնում  կապված երթուղային տաքսիների համարների փոփոխության հետ:

Խնդիրը այն  է, որ մի շարք միկրոավտոբուսների և ավտոբուսների համարներ փոխարինվել են նորով, ընդ որում նոր համարը գրված է թղթի վրա և փակցված հին համարի կողքին, ինչն էլ շփոթության մեջ է գցում մարդկանց: Օրինակ՝ 115 համարի երթուղայինը, որն այլևս 15 է դարձել, առավել շատ է շփոթեցրել  մեր քաղաքացիներին: Պարզվում է, որ կա ևս մեկ 15 համար, որը բոլորովին այլ երթուղի է:Դրանցից մեկը Ավան թաղամաս է գնում, մյուսը Նորքի զանգված: Ինչո՞ւմն է խնդիրը.

«Հայկական Վարկած -ը փորձեց ճշտել քաղաքապետարանից:

Երևանի քաղաքապետարանի լրատվական վարչության պետ Արթուր Գևորգյանը պատասխանեց, որ փոփոխությունը կապված է մրցույթների հետ, բայց թե ի՞նչ սկզբունքով են փոխվում, հստակ պատասխանել չի կարող:

Նույն հարցով դիմեցինք Տրանսպորտի և կապի նախարարություն, պատասխանը մեկն էր՝ կապված է մրցույթի հետ: Նրանք տեղեկացրեցին, որդա իրենց կառույցի հարցը չէ, որ քաղաքապետարանն է նոր ցանց կազմել և այդ հարցերով զբաղվում է մայրաքաղաքի տրանսպորտի վարչությունը:

Զարմանալի է. ինչո՞ւ հասարակությունը տեղյակ չէ նոր փոփոխությունների մասին և որտեղից իմանա մարդը երթուղայինների վրա փակցված թղթի որ կտորն է արժանահավատ: Մի՞թե հնարավոր չէր, այդ փոփոխությունները կատարել մրցույթից հետո:

Աննա Սարգսյան