ՊՆ քննչական ծառայության վարույթում գտնվող «գոմեշի մսի» գործը մտել է փակուղի: Ըստ լրատվամիջոցների հետքերը տանում են այնպիսի ձերբակալություններ, որից հետո երկրում հեղափոխություն կլինի: ՊՆ- ն որպես արձագանք՝ մեղադրանք առաջադրեց Կապանի մսի կոմբինատի տնօրեն Ալբերտ Օհանջանյանի նկատմամբ, որն, ըստ մեկ այլ լրատվամիջոցի, տեղեկանքներ է հավաքել գյուղացիներից, թե իբր միս է մթերել:

«Ժողովուրդ» թերթը նշում է, որ իր լավատեղյակ աղբյուրների փոխանցմամբ՝ «գոմեշի մսի» պատմության հետ առնչություն ունի նաև ՀՅԴ անդամ, ԼՂՀ փոխվարչապետ Արթուր Աղաբեկյանը. «Ձեզ հրավիրե՞լ են հարցաքննության», թերթի հարցին,  ԼՂՀ փոխվարչապետը պատասխանել է. «Ես այժմ պաշտոնապես հայտարարում եմ, որ ոչ միայն գոմեշի մսի, այլև ընդհանրապես Հայաստանում ոչ մի ներկրումների հետ ոչ մի կապ չունեմ, բացառությամբ Հադրութի շրջանում գործող ջրաշխարհի համար ներկրվող քիմիկատների: Նման բիզնեսով ընդհանրապես չեմ զբաղվել»:

Բանն այն է, որ ցանկացած մթերք բանակ հասցվելուց առաջ, անցնում է լաբորոտոր փորձաքննություն, շատ տարօրինակ է, որ գոմեշի մսի հետ կապված այս հանգամանքը մնացել ուշադրությունից դուրս: «Հայկական Վարկածը» փորձեց պարզել, թե ինչո՞վ է պայմանավորված սննդի անվտանգության սեփական կետրոն ունեցող կառույցի` նման պատմության մեջ հայտնվելու փաստը:

«Հայկական Վարկածը»  պարզաբանում խնդրեց ՊՆ սննդի փորձաքննության կենտրոնի ղեկավար Հայկ Քամալյանից: «Մենք դրա  հետ կապ չունենք, եթե ունեայինք մեր անուն էլ կշոշափվեր: Խնդրում եմ ուշադիր եղեք ՊՆ՝ այսինքն Պաշտպանության նախարարություն, և ՊԲ այսինքն՝ Պաշտպանության բանակ: Ներկրվող միսը առանձին լաբորոտորիաններում է ենթարկվում փորձաքննության»:

Այս դեպքում հետաքրքիր կլիներ լսել ՊԲ լաբորոտորիայի ղեկավարի պարզաբանումը: