Երեկ ազգային ժողովը ողջ օրը քննարկեց հայ սպա Գուրգեն Մարգարյանին դաժանաբար սպանած ադրբեջանցի Ռամիլ Սաֆարովին՝ Հունգարիայի կողմից Ադրբեջանին արտահանձնելու փաստը, ինչպես նաև դրան նախորդած և հաջորդած իրադարձությունները:Այս մասին «ՉԻ»-ն խոսել է գեներալ Մանվել Գրիգորյանի հետ:

Պարոն Գրիգորյան ինչպե՞ս եք գնահատում քնած հայ սպային կացնահարած ոճրագործի՝ Ադրբեջանին արտահանձնման և նրան ներում շնորհելու փաստը:

-Նախ Իլհամ Ալիևը մի ավելորդ անգամ ապացուցեց, որ Արցախը չի կարող լինել Ադրբեջանի կազմում: Ինչպես կարող է Արցախը, արցախցին խաղաղ ապրել Ադրբեջանի կազմում, եթե այդ երկիրը Եվրոպայի սրտում պետականորեն կազմակերպում էհայի սպանություն: Մենք էն գլխից էլ գիտեինք, բայց իրեն քաղաքակիրթ համարող մարդկությունը, եթե մինչև այսօր չէր հասկացել, թող հիմա գոնե հասկանա, որ թուրքը թուրք է նաև 21-րդ դարում, թուրքը չի փոխվել, չի քաղաքակրթվել:Ու թող երևույթին գնահատական տալիս ոչ թե արհեստական հավասարության նշան դնեն, այլ թող արդար մոտեցում ցուցաբերեն:

Ի՞նչ եք առաջարկում ուրեմն. Հրաժարվենք Մինսկի խմբում բանակցային գործընթացից:

— Ոչ: Հրաժարվել պետք չէ: Պետք է ուղղակի ահշխարհին հասկացնել, որ Ադրբեջանի իշխանության համար բանակցությունները իմիտացիա են:Նրանք փափուկ բարձ են դնում աշխարհի գլխի տակ, իսկ ծածուկ իրենց գործն են անում՝ դիպուկահարների սադրիչ գործողւթյուններ, քնած հայ սպայի սպանություն և այլն:Մենք պետք է բանակցային գործընթացին մասնակցելուց բացի նաև ցանկացած պահի պատրաստ լինենք պատերազմի: Նաև աշխարհին պետք է բացատրենք, որ չկա արցածցու համար խաղաղության այլ իրական երաշխիք, քան ազատագրված տարածքներն են, որոնց հանձնումը դիրքային առավելություն կտա թուրք ազերուն: Նաև ողջ աշխարհը պետք է հասկանա, որ չկա Արցախի համար կարգավիճակ Ադրբեջանի կազմում: Ով նման պահանջ կներկայացնի, նա ոճրագործ է, նա ռամիլսաֆարովների հովանավորն է:

Չե՞ք կարծում, որ նման ամբիցիոզ դիրքորոշումը կհանգեցնի իրավիճակի սրման, ռազմական գործողություններիվերսկսման:

-Ճիշտ հակառակը : Մենք քրիստոնյա ենք և խաղաղասեր: Այդ Ադրբեջանն էր, որ արցախցու խաղաղ պահանջներին Սումգայիթի և Բաքվի ջարդեր հակադրեց, որ պատերազմ սկսեց: Իսկ մենք մեզ պատերազմ պարտադրած թուրքին խաղաղություն պարտադրեցինք: Երկրապահից լավ ոչ ոք չի հասկանա խաղաղության գինը: Մենք ընկերներ ենք կորցրել, եղբայրներ, մեր ընկերների արյամբ ազատագրել ենք տարածքներ: Հանուն խաղաղության այդ տարածքները չենք հանձնելու, որովհետև, ինչպես արդեն ասեցի՝ եթե Ադրբեջանը դիրքային առավելություն ստանա, չի խորշի ռազմական գործողությունների վերսկսումից: Չե որ՝ եթե մեր հերոսը սպարապետ Վազգեն Սարգսյանն , եթե մեր հերոսը Արցախյան պատերազմում հաղթանակած զինվորն է՝ ռազմատենչ թշնամուն խաղաղություն պարտադրած զինվորը, ապա Ադրբեջանի նա է, ում համարձակությունը բավականացնում է քնած մարդ կացնահարելուն:

Իսկ հայկական բանակի բարոյահոգեբանական վիճակը այսօր բավարա՞ր է պատերազմ մղելու համար, անհրաժեշտության դեպքում ռազմական գործողություներին կմասնակցե՞ն պահեստազորայինները:

-Ես կարող եմ բոլոր պահեստազորայինների անունից երաշխավորել, որ անհրածեշտության դեպքում լինելու ենք առաջին դիրքերում: Ես նաև մեզ չեմ տարանջատում հայոց բանակից:Գեներալը, սպան նախկին չեն լիում: Հայ ազգը միասնաբար պատրաստ է հրաշքներ գործել, իսկ որ հայրենիքը պաշտպանել կարող ենք, որ ռազմամոլ ադրբեջանցուն հաղթել կարող ենք, արդեն ապացուցել ենք: Եթե ոսոխը շշկռվի և պատերազմ սկսի, ռազմական գործողությունները արդեն բուն Ադրբեջանի տարածք կտեղափոխենք:

Իսկ ո՞վ է մեղավոր այս խայտառակության համար:

-Առաջին մեղավորներից մեկն էլ ես եմ: Էն ժամանակ երևի քիչ թուրք կոտորեցինք: Պետք էր ավելի շատ կոտորել:

Չորրորդ ինքնիշխանություն