ՆԱՏՕ-ի գլխավոր քարտուղար Անդրես ֆոգ Ռասմուսենն այսօր հանդիպել է ԵՊՀ ուսանողության և դասախոսական կազմի հետ: Նա նշել է, որ ուրախ է այս հարցի շուրջ ներկայացնել ՆԱՏՕ-ի հստակ  դիրքորոշումը հենց այստեղ` Հայաստանի երիտասարդության և հայկական լրտվամիջոցների առջև:

«Մեր դիրքորոշումը ակնհայտ է: Այս ահավոր արարքը հանցագործություն է, որը չպետք է հերոսացվի: Ես վստահ եմ, որ Ադրբեջանի այս որոշումը կվնասի խաղաղությանը: Ես խորապես մտահոգված է Ադրբեջանի որոշմամբ, վաղը մեկնելու եմ Բաքու, որտեղ Ադրբեջանի իշխանություններին փոխանցելու եմ այս շատ կարևոր ուղերձը:  Թույլ տվեք նշել, որ ՆԱՏՕ-ն պատասխանատու չէ այս հանցագործության համար, այնպես, ինչպես և  Հունգարիան պատասխանատու չէ այս հանցագործության համար: Ռամիլ Սաֆարովը դատապարտվել է Հուգարիայում հունգարական դատարանի կողմից և իր պատիժը կրել է Հունգարիայում: Ես հասկանում եմ, որ Սաֆարովի արտահանձնումը Ադրբեջանին տեղի է ունեցել միջազգային չափանիշներին համապատասխամ: Սակայն ես անհագստացած եմ Սաֆարովին  Ադրբեջանում ներում շնորհելու որոշումից»,- ասել է Ռասմուսենը:

Անդրադառնալով վերջին իրադարձություններից հետո տարածաշրջանում նկատվող լարվածության սրմանը և ԼՂ հակամարտության կարգավորման գործընթացին` ՆԱՏՕ-ի գլխավոր քարտուղարը հույս է հայտնել, թե ռազմական գործողություններ չեն սկսվի, քանի որ, այն հանգեցնելու է լուրջ կորուստների և վնասելու է տարածաշրջանի զարգացմանը:

«ՆԱՏՕ-ն որպես կազմակերպություն չի զբաղվում ԼՂ հակամարտության կարգավորման ուղիներ փնտրելով: Այդ հարցով զբաղվում է Մինսկի խումբը և մենք աջակցում ենք Մինսկի խմբի գործունեությանը»,- նշել է ՆԱՏՕ-ի գլխավոր քարտուղարը: