Այն պահին, երբ ՆԱՏՕ–ի գլխավոր քարտուղար Անդրես ֆոգ Ռասմուսենը մտել է նախագահական նստավայր, երիտասարդ դաշնակցականները և «Նիկոլ Աղբալյան» երիտասարդական միության անդամները սկսել են վանկարկել՝ «Ամո՛թ» :

Բողոքի մասնակիցների ձեռքերին կային ցուցապաստառներ «Oil A New European Value?», «NATO Azerbaijan Cooperation», «NATO-Safarov» գրություններով և «Քնած դիվանագետը դիրքում քնած զինվորից վատ է» գրությամբ ցուցապաստառ, որին ամրացված էր նաև Էդվարդ Նալբանդյանի լուսանկարը:

Ակտիվիստներն իրենց հայտարարության մեջ ասել են, որ պահանջում են, որ ՆԱՏՕ–ն հանդես գա կոշտ հայտարարությամբ, ինչպես նաև դադարեցնի Ադրբեջան–ՆԱՏՕ անհատական գործակցությունը։ Այդ ամենը չանելու դեպքում նա կդառնա հանցագործության անմիջական մեղսակիցը:

ՀՅԴ Հայաստանի Երիտասարդական գրասենյակի պատասխանատու Սարգիս Մկրտչյանը  լրագրողների հետ զրույցում նշել է. «Մեզ համար անընդունելի է, որ Ադրբեջանի և Հունգարիայի այս մութ գործարքից ՆԱՏՕ–ն տեղյակ չէր և մենք հայտնվում ենք այս վիճակում։ Սա նոր սպանությունների դուռ է բացում։ Մարդասպանը պետք է արժանի պատիժ ստանա»:

Ցույցն ուղեկցվել է ազգային–ազատագրական երգերով և ծափողջույններով: