Լոս Անջելեսում Հայոց Ցեղասպանության 100-ամյակի հանձնախումբ է ստեղծվել: Հանձնախմբի նպատակն համակարգել և ղեկավարել ԱՄՆ արևմտյան ափին կազմակերպվելիք հիշատակի միջոցառումները` 2015թ. ապրիլի 24-ին ընդառաջ:

Հանձնախմբի տարածած հաղորդագրության մեջ նշվում է. «Հանձնախմբի ստեղծումը արտացոլում է այդ կառույցների որոշումը` Հայոց Ցեղասպանության 100-ամյա տարելիցի միջոցառումների կազմակերպման ջանքերը կենտրոնացնել միասնական ռազմավարական ծրագրի ներքո:

Հայոց Ցեղասպանության 100-ամյա տարելիցի միջոցառումները համակագրող` ԱՄՆ արևմտյան ափի հանձնախմբում ընդգրկվել են` Հայ Առաքելական եկեղեցու ԱՄՆ Արևմտյան թեմը, Հայ Առաքելական եկեղեցու Կիլիկիո թեմը, Հայ Կաթողիկե եկեղեցին, Հյուսիսային Ամերիկայի Հայ Ավետարանական ընկերակցությունը, Հայ Հեղափոխական Դաշնակցություն կուսակցությունը (ԱՄՆ արևմտյան շրջան), Ռամկավար Ազատական կուսակցությունը, Սոցիալ-դեմոկրատ Հնչակյան կուսակցությունը, Հայկական Բարեգործական Ընդհանուր միությունը (ԱՄՆ արևմտյան շրջան), Հայ Օգնության միությունը (ԱՄՆ արևմտյան շրջան), Հայաստան Համահայկական հիմնադրամը (ԱՄՆ արևմտյան շրջան), Միացյալ Հայկական հիմնադրամը, Հայ-ամերիկյան խորհուրդը, Ամերիկայի Հայ Դատի հանձնախումբը (ԱՄՆ արևմտյան շրջան), Ամերիկայի Հայ Իրավանց խորհուրդը, Ամերիկայի Հայկական համագումարը, Հարավային Կալիֆորնիայի համալսարանի Հայկական ուսումնասիրությունների ինստիտուտը:

Հայոց Ցեղասպանության 100-ամյա տարելիցի միջոցառումները համակարգող` ԱՄՆ արևմտյան ափի հանձնախումբը համակարգելու է տարածաշրջանային մարմինների գործունեությունը և սատարի նրանց նախաձեռնությունները: Հանձնախումբը նաև սերտորեն գործակցելու է Հայոց Ցեղասպանության 100-ամյա տարելիցի միջոցառումները համակարգող պետական մարմնի և Սփյուռքի համանման կառույցների հետ»: