Հունիսի 22-ին ԱՄՆ դեսպան Ջոն Հեֆերնը եւ ՀՀ ոստիկանության պետ, գեներալ-լեյտենանտ Վլադիմիր Գասպարյանը պաշտոնապես բացեցին ԱՄՆ կառավարության կողմից ՀՀ իրավապահ համակարգին նվիրաբերած նորակառույց հրաձգարանը:
Ժամանակակից կահավորանքով հրաձագարանի երկարությունը 50 մետր է, ունի շարժական թիրախների համակարգ, նաեւ վարչական գրասենյակներ եւ ծառայողական տարածք:
Այս նվիրաբերությունը ԱՄՆ կառավարության կողմից իրականացվող օժանդակության ծրագրի շրջանակում է, որի նպատակը հանցավորության դեմ պայքարում եւ արդարադատության ոլորտում Հայաստանի իրավապահ կառույցների կարողությունների հզորացմանն աջակցելն է:
Ոստիկանության պետ Վլադիմիր Գասպարյանն ու ԱՄՆ դեսպան Ջոն Հեֆերնը ծանոթացան տեխնիկապես հագեցած հրաձգարանի հնարավորություններին, նաեւ փորձեցին իրենց հմտությունները: Իր շնորհավորական խոսքում ԱՄՆ դեսպանը մասնավորապես ասաց՝ «Շատ ուրախ եմ գտնվել հրաձգարանի բացման արարողությանը: Ձեր ոստիկանները լավ պատրաստված են: ԱՄՆ կառավարությունը ուրախ է օժանդակել Հայաստանի կառավարությանը եւ իրավապահ մարմիններին՝ իրենց կարողությունները հզորացնելու եւ հմտությունները զարգացնելու գործում»:
Դեսպան Ջոն Հեֆերնը բարձր գնահատեց ոստիկանությունում ընթացող բարեփոխումները, դրանցում, մասնավորապես, ընդգծելով ոստիկանության պետ Վլադիմիր Գասպարյանի դերակատարումը: «Շատ ուրախ ենք, որ համագործակցում ենք, որովհետեւ Ձեր նշանակումից հետո դուք կառուցում եք մի համակարգ, որը նպաստում է կարեւոր գործի՝ վստահություն ստեղծել ժողովրդի եւ ոստիկանության միջեւ»:
Շնորհակալություն հայտնելով նվիրաբերության համար՝ ոստիկանության պետ Վլադիմիր Գասպարյանը բարձր գնահատեց համագործակցությունը, որում գերակշռողը մարդկային հարաբերություններն են: «Ես շնորհակալ եմ,- ասաց նա,- որ ի սկզբանե ընդունել եք մեր գաղափարները եւ աջակցել: Մենք ուղղակի մտածում ենք միանման: Մենք ուղղակի ուզում ենք ստեղծել նորմալ, արդար, ազնիվ ոստիկանություն»:
Նշենք, որ հրաձգարանում կարող են մարզվել նաեւ Հայաստանի իրավապահ համակարգի այլ գերատեսչությունների աշխատակիցներ:
- 15:10ԱԱԾ-ն Գյումրիի քաղաքապետարանում կոռուպցիոն սխեմաներ է բացահայտել. բռնվել են կաշառք ստանալուց անմիջապես հետո
- 14:10Աղվան Հովսեփյանի դեմ ցուցմունք տված Արշավիր Սարգսյանը իրավապահների թիրախում է. Նրա դեմ հաղորդում է ներկայացվել 28.5 մլն դրամ հափշտակելու մասին
- 13:10Կառավարությունը կփորձի ամբողջական լոքդաունի չգնալ՝ հնարավորինս խուսափելով տնտեսական մեծ վնասներից. տնտեսագետ
- 12:10Ու՞ր է 5-միլիարդանոցը, ինչու՞ չի գալիս նիստերին. ասում եք՝ 5 միլիարդ տվեցին, ծախեցին, առան, ես էլ ասում եմ՝ ծախողն էլ եք դուք, դավաճանն էլ եք դուք, կապիտուլյանտն էլ. Նիկոլ Փաշինյանը՝ Արամ Վարդևանյանին
- 11:10Էրդողանը փորձում է ստուգել Հայաստանից եկող հետպատերազմյան ազդակները
- 15:10Էրդողանը հետ կանգնեց արևմտյան տասը դեսպաններին արտաքսելու դատարկ սպառնալիքից. Սասունյան
- 14:10Ադրբեջանում առաջարկել են մայրաքաղաքը Բաքվից Ակնա տեղափոխել
- 13:10Ջոն Ալեքսանդրը Ավստրալիայի ներկայացուցիչների պալատում բարձրաձայնել է Արդբեջանի ագրեսիայի մասին՝ որպես Հայոց ցեղասպանության ողբերգական հիշեցում
- 12:10Դավիթ Տոնոյանի տեսակցությունների և հեռախոսազանգերի վրա արգելանք է դրվել
- 11:10Մեզ ներկայացրեցին նաեւ գաղտնի տեղեկություններ. Սեյրան Օհանյանը՝ ԱԺ-ում փակ ռեժիմով քննարկման մասին