Մայիսի 8-ին, առավոտյան ժամը 05:30-ի սահմաններում Ծոմակին պատկանող «Դի Այ Ուայ»՝ DIY ակումբը երիտասարդ ազգայնական խմբի անդամների կողմից պայթեցվելուց հետո շարունակում է անհանգիստ ապրել: Վերջին օրերին ամեն օր տվյալ երիտասարդները, որոնք, ըստ լուրերի, դաշնակցականներ են, խմբով գալիս են «Դի Այ Ուայ» փաբի մոտ նստում, իսկ երեկ էլ տվյալ խմբի անդամներից 3-ը, հերթական անգամ գալով այստեղ, սպառնալիքներ են տեղացել փաբի տիրուհու հասցեին, հայհոյել՝ ասելով, որ իրենք ֆաշիստ են եւ թույլ չեն տալու, որ վերականգնեն փաբը: Ասում են՝ երիտասարդներից մեկն ընդհուպ թքել է Ծոմակի վրա: Ի դեպ, մայիսի 11-ին DIY ակումբում տեղի է ունեցել համերգ, որին ներկա են եղել արվեստագետներ ու քաղաքական գործիչներ, ովքեր, ըստ համացանցում հայտնված տեսանյութի, եկել են իրենց քաղաքացիական աջակցությունը ցուցաբերելու ազատությանը եւ այլակարծությանը: Հավաքին մասնակցել է նաեւ «Ժառանգության» ղեկավար Րաֆֆի Հովհաննիսյանը, ով իր ելույթում ասել է. «Ձեր երիտասարդների հայրենիքում չկա երկրի ամբողջականություն, եթե հայ մարդը սեփական հողում ազատ չէ:….Նացիզմը, երիտթուրքականությունը դրանք հատվածապաշտական, նեղ վախկոտ գաղափարախոսություն են, որոնք կապ չունեն ազգայնականության հետ»:

hraparak.am