Առաջիկա խորհրդարանական  ընտրությունների  կենացները գնալով քաղցրանում են: Հատկապես մեծամասնական  ընտևատարածքներում:  Իսկ նրանց շուրջ պատկերը, որքան էլ  առաջին հայացքից  տրամաբանական է,  նույնքան էլ տարօրինակ է, քանի որ  շատ ու շատ ընտրատարածքներում  խեղճ ու կրակ բնակիչներից ոմանք , որոնք նորաթուխ  ԲՀԿ-ական   Վարդան Օսկանյանի  շեշտած` ընդհամենը հանապազօրյա հացի  խնդիր են լուծում, ինչ-որ տեղ դեռ շարունակում են §պճեղ մը¦  հույս փայփայել վաղվա ճիշտ ընտրության ու առաջընթացի:

Մի մասն էլ սպասում է, որ տնովի մի 25-30 հազար կպցնեն ու հերն էլ անիծած թե 5 տարի իրենց խնդիրներով մտահոգված որևէ մեկի երեսը չեն տեսնելու, միևնույնն է` չեն տեսնում:

Իսկ մեծ հաշվով ՀՀ բնակիչների մեծամասնությանը բնավ չի հետաքրքրում,  թե ինչով  է պայմանավորված այն խաղը, կամ գուցե ոչ այնքան հաճելի իրականությունը, որ  օրինակ երկու  ՀՀԿ-ական  հանրահայտ դեմքեր  միմյանց դեմ են առաջադրվում, կամ  ՀՀԿ-ն ու ԲՀԿ_ն  կոալիցիոն  գործընկերներն (թե սա էլ հաշիվ չէ±) են  իրար դեմ թեկնածություններ  առաջադրում ու սկսում  մեկը մյուսին բացահայտ կամ թաքուն մրոտել ու… Իսկ մեծ հաշվով այս ամենը ձև է, թե իրենք են ժողովրդավարական  ընտրություններ ապահովող առաջին դրոշակակիրները,որոնցից կախված է լինելու Հայաստանի վաղվա ապագան, ու միջազգային վարկի բարձրացումը:

²é³յժմ հստակ չէ,թե  մեծամասնական ընտրատարածքներում ում կհաջողվի §շտանգան¦ ավելի    վեր  բարձրացնել, բայց այն, որ այս թվացյալ §ֆոկուսով¦  թեկնածուները կարող են  և նախընտրական  պայքարի ընթացքում խախտել խաղի կանոններն, ու  սպասվածից ավելի §քաշ¦ բարձրացնել, կարծես թե պետք չէ կասկածել, քանի որ  ներկայիս լարված  հարաբերությունների, ու մանդատ կիսելու լուրջ տրամադրությունները օր-օրի  կարծես թե այլ հարթություն են տեղափոխվում: Արդեն իսկ պարզ է, որ  ընտրապայքարը բավականին թեժ ու  անկանխատեսելի  է լինելու Էջմիածնի  թիվ 19  ընտրատարածքում, որտեղից պատգամավոր դառնալու ախորժակ ունեն լրագրողի ձայնագրիչին  մինչ օրս էլ  §տելեվիզոր¦ ասող, ՀՀԿ-ականներ Սեդրակ Սարոյանը  և հազար ու մի փորձության  մեջ ընկած  Հակոբ Հակոբյանը:

Իսկ ԲՀԿ-ական Շիշ Մելոների, ու  այլ տիպի  մականունավորների մանդատավորական  ցանկությունների մասին չարժե անգամ բարձրաձայնել, քանի որ  մեծագույն  հարց է, թե օրինակ  Կոտայքի մարզում, հատկապես Չարենցավան քաղաքում առաջադրված  Մելիք Մանուկյանին` այդ  նույն Շիշ Մելոյին քանի՞ Չարենցավանցի է ճանաչում, կամ ում պարզ չէ, որ Կոտայքի մարզը, որպես սեփական կալվածք դիտող Շահգալդյաններն են վերահսկում իրավիճակը, իսկ ավելի շուտ մարզպետի ամենակարող եղբայրը` Սամվել Շահգալդյանը, որը գորշ կարդինալի կարգավիճակով դե ֆակտո ղեկավարում է ոչ միայն Չարենցավանը, այլև ողջ Կոտայքի մարզը: Սա այն շատ տարածված դեպքերից է, որ պատգամավորն ուղղակի դրածո է:

Այլ բան , որ  որոշ ընտրատարածքներում  պատգամավոր  դառնալու հայտ են ներկայացնում, ճանաչում և հեղինակություն  ունեցող թեկնածուներ` և ՀՀԿ-ից, և  ԲՀԿ-որոնց  ընտրապայքարի  մեթոդն  ու  հանգուցալուծումը, նույնպես  դժվար է կռահել, ու հասկանալ, թե որտեղ, և ինչպես է ավարտվելու այդ խաղը:

Իսկ թե այս ամենը ԲՀԿ-ական  շտանգա է, թե  Հ  ՀՀԿ-ական շախմատ, կերևա  առաջիկայում:

Անի Սուլթանյան