Փետրվարի 23-ին Կորեայի ԱԳ Նախարար Կիմ Սունգ-Հվանի հրավերով պաշտոնական այցով Սեուլ ժամանած արտգործնախարար Էդվարդ Նալբանդյանին ընդունել է Կորեայի Հանրապետության վարչապետ Հվանգ Սիկ Կիմը:
Կորեայի վարչապետի և Հայաստանի արտգործնախարարի հանդիպման օրակարգում են եղել Սեուլում այս տարվա մարտի 26-27-ը կայանալիք Միջուկային անվտանգության հարցերով երկրորդ գագաթաժողովի, Կորեայում ս.թ. մայիս-օգոստոս ամիսներին տեղի ունենալիք EXPO-2012 Համաշխարհային ցուցահանդեսի նախապատրաստական աշխատանքները և այդ կարևորագույն համաշխարհային իրադարձություններին Հայաստանի մասնակցությունը:
Զրուցակիցները հույս են հայտնել, որ դիվանագիտական հարաբերությունների հաստատման քսանամյակը մեկնարկային հանգրվան կդառնա երկկողմ փոխգործակցության զարգացման համար և պատրաստակամություն հայտնեցին անհրաժեշտ քայլեր ձեռնարկել այդ ուղղությամբ:
Նախարար Նալբանդյանը շնորհակալություն է հայտնել Կորեայի վարչապետին անկախությունից ի վեր Հայաստանի զարգացմանը ցուցաբերած աջակցության համար: Այս առումով Կորեայի վարչապետը նշել է, որ կորեական կողմը պատրաստակամ է շարունակել Հայաստանին տեխնիկական աջակցության տրամադրումը Կորեայի միջազգային համագործակցության կառավարական գործակալության միջոցով:
Հվանգ Սիկ Կիմը և Էդվարդ Նալբանդյանը անդրադարձել են երկկողմ հարաբերություններին առնչվող հարցերի լայն շրջանակի, քաղաքական, տնտեսական և մշակութային համագործակցության զարգացման ուղիներին:
Նույն օրը կայացել են Հայաստանի և Կորեայի ԱԳ նախարարներ Էդվարդ Նալբանդյանի և Կիմ Սունգ-Հվանի բանակցությունները:
Հանդիպման սկզբում փոխանակվեցին ՀՀ Նախագահ Սերժ Սարգսյանի և Կորեայի Նախագահ Լի Մյունգ-Բակի ուղերձները երկու երկրների միջև դիվանագիտական հարաբերությունների հաստատման քսանամյակի կապակցությամբ:
Հայաստանի և Կորեայի արտգործնախարարները մտքեր են փոխանակել տարածաշրջանային և միջազգային օրակարգի մի շարք հարցերի շուրջ:
Հայաստանի արտգործնախարարը իր կորեացի պաշտոնակցին հրավիրել է այցելել Երևան:
Ավարտելով այցելությունը Կորեա՝ ԱԳ նախարարը ուղևորվել է Վիետնամ:
- 15:10«ԱՄՆ-ը պետք է օգտագործի իր ազդեցությունը՝ ՀՀ-ից ադրբեջանական զորքերի դուրս բերման համար». Փալոնե
- 12:10ՄԻԵԴ-ը քննության է առել Հայաստանի ու Ադրբեջանի բողոքները
- 15:18Ալիևը սպառնում է Ֆրանսիային ու Կանադային՝ խորհուրդ տալով իրենց տարածքում հայերին ինքնավարություն կամ անկախություն տալ
- 13:10Արդարացում կամ ներում չկա նրանց համար, ովքեր կրկին «ագրեսիվ ծրագրեր են կառուցում»․ Պուտին
- 14:10Ո’չ Հոլոքոստը, ո’չ Հայոց ցեղասպանությունն իրենց վերջնական նպատակին չեն հասել․ Գիյերմո Ալտարես
- 15:10Լատվիան վերջապես պաշտոնապես ճանաչեց և դատապարտեց Հայոց ցեղասպանությունը
- 14:10ԵԽ ավելի քան 120 պատգամավոր Ադրբեջանից պահանջում են Հայաստան վերադարձնել բոլոր գերիներին
- 14:10Թուրքիայում դատարանն արդարացրել է բռնակալ ամուսնուն սպանած կնոջը
- 14:10Ռուսաստանի շահերից չի բխում պատերազմի մեջ ներքաշվելը. Մեդվեդև
- 13:10Թուրքիան շարունակում է սպառնալ Հայաստանին․ Վարուժան Ներսեսյանի հարցազրույցը ՝ CNN-ին