«Սուրբ Նշան եկեղեցին գտնվում է Վրաստանում, նախկին Հակոբ Հակոբյան և Սերեբրյաննայա փողոցների խաչմերուկում: Դա հայկական եկեղեցի է, մենք ունենք երեք հիշատակություն, որոնք փաստում են, որ, այո, Սբ. Նշանից առաջ տեղում եղել է եկեղեցի, բայց դա էլ է եղել հայկական»,- այսօր հրավիրված մամլո ասուլիսում ասաց հուշարձանագետ Սամվել Կարապետյանն, ի պատասխան վրացական կողմի պնդումների` թե եկեղեցին վրացական է:

“Ըստ պատմական տվ յալների` եկեղեցին կառուցվել է 1720 թ., սակայն հիմնվել է 1703թ.: Այն հիմնել են տեղի` ծագումով հայ քաղաքագլուխները: Եկեղեցու գմբեթը կառուցվել է 60 տարի անց: Ուստի Վրաց Պատիարքարանի օրերս արած հայտարարությունը, թե Թբիլիսիի ներկայիս Սբ. Նշան եկեղեցու տեղում հնում եղել է վրաց ուղղափառ եկեղեցի`զուրկ է փաստերից և հետևաբար` անհիմն”:

Հուշարձանագետը խոսեց նաև, եկեղեցու ներկա վիճակի մասին. “Առաջին հրդեհը մարելուց հետո ջուրն ամբողովին ոչնչացրել է պատմական մասունքները, ինչն անթույլատրելի է: Հրդեհից ամբողջովին ոչնչացվել են նաև ներսում գտնված որմնանկարներն ու պատերին առաջացել են ճաքեր”: Նա տեղեկացրեց որ վերջին երկու հրդեհների արդյունքում ամբողջովին փլուզվել է սյուներից մեկն, ու ամեն պահի կարող է փլուզվել եկեղեցու գմբեթը, սակայն դա կարծես որևէ մեկին չի մտահոգում:

Կարապետյանը կարծում է, որ եկեղեցու շուրջ ստեղծված իրավիճակը պատահականություն չէ: Ըստ նրա, տարօրինակ է, որ Սբ. Նշանը պատմական հուշարձանի կարգավիճակ է ստացել ընդամենը երկու տարի առաջ, թեև եկեղեցին այդ կարգավիճակն ունեցել է դեռ խորհրդային տարիներին:

Հայկական մշակույթային արժեքների վրացականացման գործընթացը հարկ է դադարեցնել: Եվ այդ գործում անելիք ունի թե’, մեր եկեղեցին, թե` կառավարությունը: