Երբ հարևան երկրներում չեն դադարում երկրաշաժերը, Երեւանի կենտրոնում չպետք է կառուցվի 50 հարկանի շինություն:

Հայաստանի ճարտարապետների միության նախագահ Մկրտիչ Մինասյանը լրագրողների հետ հանդիպմանը զգուշացրել է որ բացի ռեալ վտանգը նման կառույցը ամբողջովին խեղելու է քաղաքի ճարտարապետությունը:

Ըստ Մինասյանի. «Սխալն այն է, որ 90-ական թվականներին այդ տարածը վաճառվել է իրանական «Միլեթ» բանկին, որից հետո փոխանցվել է իրանական ընկերություններից մեկին»:

Շինարարությունը, որ իրանական«Դիդաս»  ընկերությունը  նախատեսում է իրականացնել քաղաքի կենտրոնում, «Մոսկվա» կինոթատրոնի և «Երևան» հյուրանոցի միջև` 2,5 հազար քառակուսի կիլոմետրի տարածք է զբաղեցնելու:

Ճարտարապետի կարծիքով, անհրաժեշտ է դրա վրա սեւեռել հասարակության ուշադրությունը և խոչընդոտել նախագծի իրականացմանը, ոչ միայն էսթետիկ նկատառումներով, այլ նաեւ քաղաքի անվտանգության տեսանկյունից. «Նման բարձրության շենքը սեյսմիկ մեծ վտանգ է ներկայացնում»:

Նշենք, որ շենքի նախագիծը ներկայացվել է Երեւանի քաղաքապետարանին: Մինասյանը տեղեկացրեց, որ սկզբում նախատեսվում էր 20 հարկանի շենքի կառուցում: Այժմ նախատեսվում է նոր նախագիծ, եւ հնարավոր է, որ այն դեռ փոփոխվի, սակայն ոչ ի օգուտ մայրաքաղաքի: