Հայերը պետք է կարողանան տարբերվել ուրիշներից եւ ավելի լավը լինել, բայց մենք այժմ բռնել ենք «ինքնաթանգարանացման» ուղին: Այս մասին այսօր մամուլի ասուլիսում ասաց գերմանահայ PR մասնագետ, փիլիսոփայական գիտությունների դոկտոր Վազրիկ Բազիլը:
Աշխարհին ներկայանալուց առաջ, Հայաստանի պետական մարմինները, ըստ Բազիլի, պետք է հաշվի առնեն երեք հանգամանք. «Երբ պետական մարմինները ներկայացնում են երկիրը, պետք է բծախնդրություն ցուցաբերեն իրենց ներկայացրածի նկատմամբ, ուշադրություն դարձնեն ցանկացած մանրուքի,ոչ թե առաջնորդվեն «դե լավ էլի» մոտեցմամբ: Եթե ցանկանում ենք, որ Հայաստանը լավագույնս ներկայացվի, ապա պետք է բծախնդրություն ցուցաբերվի նույնիսկ աննշան թվացող մանրուքի նկատմամբ: «Դե լավ էլի»-ով, «արա մարա»-ով հարցեր չեն լուծվում»,-ասաց PR մասնագետը, հավելելով, որ պետք է նաեւ բարձրացնել սպասարկման որոլորտի մակարդակը, քանի որ մի աննշան դեպքից զբոսաշրջիկը կարող է պատկերացում կազմել ողջ ոլորտի մասին:
Բազիլի առանձնացրած երկրորդ հանգամանքը «արտասահման» հասկացությունն է. «Գոյություն չունի նման հասկացություն, պարզապես կան երկրներ, կան մշակույթներ եւ, Հայաստանը ներկայացնելիս, պետք է հաշվի առնել դա: Մինչդեռ Հայաստանի պետական մարմինները դա հաշվի չեն առնում»:
Բազիլը խորհուրդ տվեց, նաև որ Հայաստանի ներկայացուցիչները, մինչ հանրային ելույթները,նախ ծանոթանան հյուրընկալող երկրների ազգային առանձնահատկություններին և սովորույթներին, համագործակցեն տեղի հայ համայնքի ներկայացուցիչների հետ,ապա նոր խոսեն այս կամ այն երևույթի մասին: Որպես ապացույց նա մի օրինակ բերեց, երբ հայ փոխնախարարն, անտեսելով այն հանգամանքը, որ Գերմանիայում ընդունված չէ ռազմական բառապաշարը, այն օգտագործել է իր խոսքում:
Երրորդ հանգամանքը, ըստ Բազիլի,այն է, որ Հայաստանն ամենուր ներկայանում է որպես էկզոտիկ երկիր` առանց հաշվի առնելու բացասական կողմերը. «Օրինակ, արևելյան մի շարք երկրներ ունեն շուրջպար, դհոլ ու զուռնա, և երբ Հայաստանը այդ ամենով ներկայանում է Եվրոպային, թյուրիմացության տեղիք է տալիս: Ֆրանսիացու, գերմանացու համար հայկական, վրացական, թուրքական կամ ադրբեջանական շուրջպարը նույնն է: Արևմուտքի համար ամենամեծ դրամագլուխն ուշադրությունն է: Իսկ ուշադրությունը կարող ես վաստակել միայն ինքնությամբ: Անհրաժեշտ է հինը ներկայացնել նորովի: Պետք է տարբերվել ուրիշներից եւ ավելի լավը լինել»:
Բազիլը կարծում է, որ հայերը կիրառող են, բայց ոչ ստեղծագործող, կիրառում են ուրիշի ստեղծածը, մինչդեռ, ըստ նրա, մերն է պետք որպեսզի տարբերվենք:
- 13:10Ադրբեջանը թաքցնում է գերիների իրական թիվն ու պահման վայրերը.Միրզոյան
- 12:10Ադրբեջանցիները կուտակվում են ձորում, ինժեներական աշխատանքները շարունակում են. Շուռնուխի գյուղապետ
- 13:42Համագործակցություն եվրոպական և ոչ միայն եվրոպական բուհերի հետ. ՀՀ ԳԱԱ Արևելագիտության ինստիտուտ
- 12:10Հայ գիտնականները ևս զբաղվում են ԱԹՍ-ների մշակմամբ
- 11:10Եթե իշխանությունն ընդուներ Պուտինի առաջարկն ու կանգնեցներ պատերազմը, մոտ 2500-ով քիչ զոհ կունենայինք
- 13:10180 անձ կա. Ադրբեջանը կա՛մ բոլորին կվերադարձնի ողջ, կա՛մ՝ մեռած. Արտակ Զեյնալյանը՝ գերիների մասին
- 12:10Իրան-Ադրբեջան հռետորաբանական փոխհրաձգության համատեքստում իրանական կողմն անցել է «գոտկատեղից ներքև» հարվածների
- 14:10Տեղեկություն ունեմ` ադրբեջանցիները ուզում են վերցնել Շիկահող, Սրաշեն գյուղերի բարձունքը. Վահե Հակոբյան
- 13:10Տեղի ունեցածը դիրքային փոփոխություն չէ, կոնկրետ տարածքի ամբողջական վերահսկողություն են վերցրել. Կապանի համայնքապետը`Փայլասարում կատարվածի մասին
- 12:10Հունվարի 1-ից ջրի սակագինը կբարձրանա