Վերջին 20 տարիներին Հայաստանն ընդհանուր առմամբ ձախողել է պետականության և պետության այն կառույցում, որը կերաշխավորեր հայ ժողովրդի՝ հավուր պատշաճի անվտանգությունն ու բարգավաճումը»,- այսօր լրագրողների հետ հանդիպմանը հայտարարեց ԼՂ նախկին արտգործնախարար Արման Մելիքյանը՝ նկատեց Մելիքյանը:
Ըստ նրա պետք է փնտրել հաջորդ քաղաքական սերունդը, որն այս երեք նախագահների շրջանակից դուրս կլինի ու կկարողանա համախմբել հասարակությանը, քանի որ մեր բոլոր երեք նախագահները այն չեն եղել ինչ պետք էր երկրին. «Երեք նախագահների մասին խոսելիս Սերժ Սարգսյանի հնարավորությունները ես ավելի բարձր եմ գնահատում, սակայն, «եթե Սերժ Սարգսյանը շարունակի պաշտոնավարել, մենք կշարունակենք թաղվել այս ճահճի մեջ»: Միևնույն ժամանակ` թե, Քոչարյանի, թե, Տեր-Պետրոսյանի իշխանության գալը, կսրի իրավիճակը:
Ըստ Մելիքյանի Ռոբերտ Քոչարյանը պատրաստ է աջակցել Սարգսյանին՝ ընդդեմ Լևոն Տեր-Պետրոսյանի, Տեր-Պետրոսյանն էլ պատրաստ է աջակցել Սարգսյանին՝ ընդդեմ Քոչարյանի:«Երկու դեպքում էլ իրավիճակի սրում կունենանք, որը բացարձակ չի բխում մեր երկրի շահերից»,- հավատացրեց նա:
«Երեք տարբերակն էլ վատն է, պետք է փնտրել նորը»,- ասաց Մելիքյանը՝ հույս հայտնելով, որ առաջիկա երկու-երեք ամիսները հանրությանը հստակ կկողմնորոշեն:
Մելիքյանը խոսեց նաև Ղարաբաղի հիմնահարցի մասին. Նա կարծում է, որ առաջիկա մեկ տարում ղարաբաղյան պատերազմը չի վերսկսվի, սակայն միաժամանակ գտնում է, որ պատերազմին պատրաստ լինելն ավելի լավ է, քան մնալ հանգստության մեջ. Իսկ ղարաբաղյան պատերազմում հայկական կողմի տարած հաղթանակը, ըստ նրա, հայ մարդու ազգային արժանապատվության միակ իրական վկայությունն է, «Եթե այդ հաղթանակն էլ տանք, հայ մարդը այս պետությանն իրեն կապող որեւէ բան այլեւս չի ունենա», — համոզված է Մելիքյանը։
«Հայտնի է, որ ղարաբաղյան հիմնախնդրի վերահսկման գործառույթները ո’չ Հայաստանում են, ո’չ էլ Ադրբեջանում։ Այս գործընթացը կառավարվում է արտատարածաշրջանային ուժերի կողմից։ Պարզապես հակամարտության կողմերը չեն կարող հաշվի չառնել Մոսկվայի եւ Վաշինգթոնի կողմից իրենց պարտադրված տեսակետները։ Հետեւաբար, պատերազմի վերսկսման հավանականությունը եւս պետք է կապել դրսից եկող ազդակների հետ։ Առայժմ, իմ կարծիքով, պատերազմի վերսկսման նախադրյալներ չկան։ Ինչ վերաբերում է հակամարտության լուծմանը Հայաստանի անմիջական մասնակցությանը, ապա մենք այսօր չունենք մեր արտաքին քաղաքականությունը։ Մինչեւ մենք չունենանք մեր սեփական առաջարկները, կունենանք այն վիճակը, որն ունենք այսօր։ Գուցե սա գործող իշխանությունների համար առավել անվտանգ տարբերակն է, սակայն չեմ կարծում, որ ամենաօգտակարն է երկրի համար»:
- 14:10Ադրբեջանցի ռազմագերին պատմում է Թուրքիայից ժամանած զինվորական մասնագետների մասին
- 10:30Ադրբեջանական բանակի կորուստները. «Զինուժ մեդիայի» անդրադարձը
- 13:20Հորդորում եմ երիտասարդներին ձևավորել կամավորական խմբեր՝ Երևանի օպերատիվ շտաբի աշխատանքներին աջակցելու համար․ Արցախի նախագահ
- 12:30Ռազմադաշտում դիակների հետ կապված վիճակը արդեն դուրս է գալիս վերահսկողությունից․ ինչ են գրանցել տեսագրող սարքերը
- 10:32Ահաբեկիչները մեծ վտանգ են նաեւ Ալիեւի համար.նրանք կարող են մնալ հենց Ադրբեջանում և կործանել Ալիևի իշխանությունը. Արտակարգ և լիազոր դեսպան
- 12:10Հակառակորդը սեպտեմբերի 27-ի առավոտյան առաջին հարվածը հասցրել է ՀՕՊ համակարգերին եւ կառավարման կետերին
- 13:10Փաշինյան. Ռուսաստանը հիմքեր ունի Լեռնային Ղարաբաղում հակաահաբեկչական գործողության համար
- 12:11Փաշինյանն ու Ալիևը պատրաստակամություն են հայտնել հանդիպել Մոսկվայում
- 14:10Զոհրաբ Մնացականյանը Ժոզեպ Բորելին ներկայացրել է ադրբեջանական զինուժի կողմից Արցախի խաղաղ բնակչությանը հասցված վնասները
- 13:11Ստեփանակերտի այն հատվածներում, որտեղ ռումբեր են նետվում, ոչ միայն զինվորական ենթակառուցվածք, այլև զինծառայող չկա. Փաշինյան