Հունիսի 27-ին Ստեփանակերտում մեկնարկեց «Արցախ» հասարակագիտական առաջին ամառային դպրոցը, որն իրականացվում է «Ամերիկացիներն Արցախի համար» ՀԿ-ի կողմից Հայկական բարեգործական ընդհանուր միության աջակցությամբ: Մրցութային կարգով Արցախից և Հայաստանից ամառային դպրոց ընդունված շուրջ 30 մասնակիցները առաջիկա երկու շաբաթների ընթացքում կլսեն հասարակական գիտությունների և հատկապես քաղաքագիտության մեթոդաբանության, միջազգային կազմակերպությունների, հակամարտությունների հաղթահարման, արդյունավետ հաղորդակցության, հայկական արվեստի և արվեստի պատմության և մի շարք այլ հետաքրքրաշարժ թեմաների շուրջ դասախոսություններ, կհանդիպեն ԼՂՀ կառավարության և Արցախում գործող հասարակական կազմակերպությունների ներկայացուցիչների և կայցելեն Արցախի տեսարժան վայրեր:
Դասախոսելու համար Հայաստանից և Սփյուռքից հրավիրվել են առաջատար հասարակագետներ և քաղաքական վերլուծաբաններ, ինչպիսիք են Էմիլ Դանիելյանը, Լիլիթ Սարգսյանը, Մայա Բարխուդարյանը, Համազասպ Դանիելյանը, Արշակ Բալայանը Հայաստանից, Գրեգ Ավթանդիլյանը, Ռոբերտ Նալբանդովը և Ռազմիկ Փանոսյանը Սփյուռքից: Դասախոսությունները, բացառությամբ մեկի, մատուցվելու են հայերենով:
«Արցախ» հասարակագիտական ամառային դպրոցի մասնակիցներին ողջույնի խոսք հղեցին Ստեփանակերտի Մեսրոպ Մաշտոց համալսարանի ռեկտոր Դոնարա Գաբրիելյանը և Արցախում ՙԱմերիկացիներն Արցախի համար՚ ՀԿ-ի ներկայացուցիչ, ԼՂՀ արտգործնախարարության աշխատակից Կարեն Կոստանդյանը:
Ներկա ամառային դպրոցի հաջողակ իրականացման դեպքում, ՙԱրցախ՚ հասարակագիտական ամառային դպրոցի նախաձեռնողները մտադիր են սույն ձեռնարկը դարձնել ամենամյա իրադարձություն, որը կծառայի Արցախի երիտասարդ հասարակագետներին միջազգային գիտական նորույթներին հաղորդակից դարձնելու, ինչպես նաև արտասահմանից ժամանած գիտնականներին Արցախի ներկա կրթական, մշակութային, ինչպես նաև հասարակական-քաղաքական վիճակը տեղում ներկայացնելու հուսալի միջոց: Ամառային դպրոցի կազմակերպիչներից են Համազասպ Դանիելյանը, Գայանե Վարդանյանը և Արշակ Բալայանը: Ամառային դպրոցի գիտական համակարգողն Ասպետ Գոչիկյանն է, իսկ ծրագրի ղեկավարը Սարահ Լյուդվիգը:
- 15:10Հայկական կողմում տեղադրված տեսախցիկները արձանագրել են ադրբջանցիների կողմից արձակած դիմահար կրակոցները (տեսանյութ)
- 15:10Նոր նախագիծ. այսուհետ արական սեռի քաղաքացիներին անձնագրերը կտրամադրվեն ոչ թե մինչև 18, այլ մինչև նրանց 19 տարին լրանալը
- 14:10Աղետալի իրավիճակ․ զինվորները քնում են անձրեւի տակ. Politik.am
- 13:10Եթե սա իրականությունն է, ապա մեր թիկունքում հերթական դավաճանական գործողությունն է կատարվել
- 12:10Աշոտ Փաշինյանին փրկելու համար շատ մեծ օպերացիա է եղել, ունեցել ենք զոհեր, ծանր վիրավորներ. Արթուր Այվազյան
- 15:10Ադրբեջանցիները վերակառուցում են «Ասֆալտբետոնի» գործարանը՝ դարձնելով մաքսակետ. Պատրաստ է նաև բենզալցակայանը. Գորիսի փոխքաղաքապետ
- 14:10Այնպես չանեք, որ հանուն Հադրութի ՀԿ-ն դառնա հանուն Հադրութի տեռորիստական կազմակերպություն.Լեւոն Հայրյան
- 13:10Չպատվաստված կամ չթեստավորված աշխատողները չեն ներկայանա աշխատանքի. կարող են զրկվել աշխատավարձից ու աշխատանքից. Նախագիծ՝ ի վնաս աշխատողի
- 11:41ՀՀ ԳԱԱ Արվեստի ինստիտուտի առօրյան
- 11:23Գյուղատնտեսական ոլորտի զարգացման նորարական մեխանիզմերը