«Ես կարծում եմ, որ արտահերթ նստաշրջան պետք է գումարել արտահերթ նշանակություն ունեցող հարցեր քննարկելու և այդ հարցերին պատասխան տալու համար, այլ ոչ թե, օրինակ, աղբահանության խնդիրը դարձնել դոմինանտ»,- այսօր «Աղբահանության մասին օրինագծի» քննարկման ժամանակ վրդովված հայտարարեց ԱԺ անկախ պատգամավոր Վիկտոր Դալլաքյանը:
Ըստ նրա, այսօրվա թիվ մեկ խնդիրը ոչ թե աղբահանությունն է, այլ աղբից հաց հավաքող մուրացկանների, այսինքն` աղքատության խնդիրը:
Օրինագծի վերաբերյալ կառավարության հիմնավորումը, թե «աղբահանությունը առաջնահերթ հիմնախնդիրներից մեկն է, աղբահանության գործող համակարգը չի համապատասխանում միջազգային չափանիշներին», պատգամավորի մոտ մի շարք հարցեր են առաջացրել: «Իսկ թոշակների չափը, աշխատավարձերի չափը, նպաստների չափը համապատասխանո՞ւմ են միջազգային չափանիշներին: Ես ներողություն եմ խնդրում համեմատության համար, բաց եթե նախկինում աղբանոցներից օգտվում էին շները, հետո աղբանոցներից սկսեցին օգտվել մարդիկ, իսկ հիմա աղբանոցներից օգտվում են և շները, և մարդիկ: Այսինքն, պայքար է գնում հացի և սննդի մնացորդների համար: Այ, սա է Հայաստանի թիվ մեկ խնդիրը»,- ասաց պատգամավորը:
Նրա խոսքով` անընդունելի է աղքատության պայմաններում նման մոտեցում որդեգրել և «մարդկանց վզին լրացուցիչ հարկատեսակներ փաթաթել»:
Պատգամավորի խոսքով` կառավարությունն ու իշխանություններն այլ անալոգիայով պետք է առաջնորդվեին, և պետք է բարձրացվեր «քաղաքական աղբից Հայաստանի Հանրապետությունն ազատելու» հարցը:
Դալլաքյանն անցում կատարեց ներքաղաքական խնդիրներին` դրական գնահատելով իշխանություն-ընդդիմության երկխոսության գործընթացը: «Այսօր Հայաստանում տեղի է ունենում հետաքրքիր պարտիա, այսպես կոչված` շախմատային մեծ խաղատախտակի շուրջ: Այդ պարտիայի մասնակիցներն են Հայաստանի 1-ին և 3-րդ նախագահները, նրանց տողատակերով և ենթատեքստերով հարուստ խաղը, և դա այդպես էլ պետք է լիներ, որովհետև ուղղակի ասում են չորքոտանիներին, իսկ տողատակերում և ենթատեքստերում ասում են բանական մարդկանց: Հայաստանում ստեղծված է շանս, որպեսզի Հայաստանի քաղաքական համակարգը մաքրվի աղբից, և ամենաշատը վայնասուն են բարձրացրել այն անձինք և քաղաքական ուժերը, որոնք ընդդիմություն-իշխանություն քաղաքակիրթ և քաղաքական հարթությունում ընթացող այդ փոխհարաբերություններում կարող են հայտնվել քաղաքական լուսանցքում կամ քաղաքական աղբանոցում»,- խոսքն այսպես եզրափակեց Վիկտոր Դալլաքյանը:
- 13:10Քաղաքաշինության կոմիտեն երկրաշարժից տունը կորցրած ընտանիքին հատուցումը ձգձգեց այնքան, մինչև ընտանիքի բոլոր անդամները մեռան
- 12:10«Իմ քայլ»-ի պատգամավորները հրաժարվել են 50 հազար դրամ տրամադրել հաշմանդամ դարձած զինծառայողներին. Նախագծին տրվել է բացասական եզրակացություն
- 11:10Գերության մեջ հայտնված անձանցից՝ թվով 19-ը, խոշտանգվել ու սպանվել են Ադրբեջանի զինծառայողների կողմից. Արտակ Զեյնալյան
- 14:10Ընտրողները 2 հոգու են տեսնում վարչապետի պաշտոնում. քաղտեխնոլոգը` ընտրությունների մասին
- 12:10Խայտառակությունն այն է, որ տեսանյութում շատ պարզ երևում է, որ մեր սահմանապահներն, ի տարբերություն ադրբեջանցիների զինված չեն. Համբարյան
- 11:10Սյունիքի Խնածախ գյուղի գլխին ադրբեջանցիները մարտական հենակետեր են կառուցում
- 13:10Մարտակերտի Նոր Ղազանչի գյուղի ուղղությամբ առաջացած հակառակորդը հետ է քաշվել ելման դիրքեր
- 15:14Երեւանի կենտրոնում տարածք է վաճառվել ԻԻՀ քաղաքացի հանդիսացող ադրբեջանցու, որը հատել է ծառերը
- 12:10Նիկոլ, Արայիկ, ընդդիմությո՞ւնն էր գլխավոր շտաբում, բունկեռներում տակտիկա մշակողը
- 10:44Հաղթանակը շատ կարևոր է, պետք է չմտածել պարտվելու մասին. բռնցքամարտիկ. Արման Սարգսյան