Վաղը ժամը ժամը 19:30-ին Ֆլեշմոբ Դիվիզիոնը մայրաքաղաքում անցկացնելու է Բացօթյա ընթերցանության փառատոն: Այն տեղի կունենա Գաֆեսճէան արվեստի կենտրոնի (Կասկադ) պուրակում` Ալ. Թամանյանի հուշարձանից մինչև Կասկադի աստիճաններ:

Ըստ Ֆլեշմոբ Դիվիզիոնի` բացօթյա ընթերցանության փառատոնի նպատակն է` միավորել երիտասարդությանը, վերացնել հասարակական վայրերում ընթերցելու բարդույթը, ամրապնդել սերը գրքի հանդեպ ու զարգացնել բացօթյա ընթերցանության մշակույթը:

«Այս փառատոնը նաև ցատկահարթակային քայլ է դեպի 2012թ.Երևանը գրքի մայրաքաղաքի տարվան»,- նշված է հաղորդագրությունում:

Բացօթյա ընթերցանության փառատոնին սպասվում է 2000 ընթերցասեր մասնակիցներ: Միջոցառումը տևելու է 15-20 րոպե, մասնակիցները կարդալու են իրենց ամենասիրելի գիրքը:

Հիշեցնենք, որ բացօթյա ընթերցանությունը կազմակերպվում է 2-րդ անգամ: Առաջին անգամ 2010թ.հունիսի 11-ին Կասկադի պուրակում կազմակերպվել էր ֆլեշմոբ, որտեղ 350-ից ավելի մասնակից կարդում էին իրենց սիրելի գրքերը: