Այսօր Հայաստանի գյուղատնտեսության նախարարության սննդամթերքի անվտանգության պետական ծառայության պետ Գրիգոր Գրիգորյանը «Ծառայության ընթացիկ գործունեությունը և հետագա ծրագրերը» թեմայով ասուլիս էր հրավիրել:
Պատճառներից մեկը ԳՈՒՄ-ի շուկային կից գործող մսի տաղավարների գործունեության դադարեցման հետ կապված աղմուկն էր:
«Հայկական վարկածը» ևս անդրադարձել էր այս խնդրին՝ ներկայացնելով վաճառողների բողոքը, ըստ որի՝ կասեցումը հիմնավորված չէր:
Գ. Գրիգորյանը եկել էր հակադարձելու. «ԳՈՒՄ-ին հարակից տարածքում կրպակների գործունեության կասեցումը միանշանակորեն եղել է օրենքի սահմաններում։ Խախտվել են սանիտարահիգիենիկ մի շարք կանոններ, սննդի անվտանգության մասին օրենքի մի շարք դրույթներ։ Մենք ժամանակավորապես կասեցրել ենք և տնտեսվարող սուբյեկտներին տվել 7 օր ժամանակ՝ ուղղելու իրենց աշխատանքն ու կրպակները պատշաճ վիճակի բերելու»:
Գրիգորյանն անդրադարձավ նաև Սննդի անվտանգության տեսչության աշխատանքից ազատված աշխատողների խնդրին։ Ասաց, որ քաղաքացիական ծառայողներին աշխատանքից ազատելիս, ըստ օրենքի, պետք է ուղարկվեն ռեզերվ, ինչը տվյալ դեպքում չի արվել, և ըստ նրա՝ ստեղծվել է մի իրավիճակ, երբ մարդիկ «հայտնվել են օդում»։ «Այդ ժամանակ ես նույնիսկ չեմ աշխատել այս պաշտոնում,- պարզաբանեց նա։- Նրանք եկել են աշխատանքի, աշխատել են՝ մտածելով, որ իրենք ռեզերվում են, և նոր ձևավորվող, վերակազմակերպվող մեր ծառայությունը պետք է այդ ռեզերվից հրավիրեր համապատասխան մասնագետների. այսպես՝ նրանք հայտնվեցին օդում»։
Ըստ Գրիգորյանի՝ հիշյալ աշխատակիցները երկու ամիս ներկայացել են աշխատանքի՝ չիմանալով՝ աշխատու՞մ են, թե՞ ոչ. «Վստահեցնում եմ, որ կառավարությունում այս հարցն իր լուծումը գտնում է, և բոլորի աշխատավարձերը վճարվելու են շատ կարճ ժամանակահատվածում։ Պարզապես հիմա հաշվարկ է կատարվում»։
Ծառայության պետը խուսափեց մեկնաբանել ստեղծված իրավիճակի պատճառը. «Չգիտեմ՝ սա անփութություն է, թե ինչ… չեմ կարող ասել»։
Հիշեցնենք, որ Սննդի անվտանգության տեսչության տասնյակ աշխատողներ ազատվել էին աշխատանքից և ռեզերվ չէին ուղարկվել, ինչի հետևանքով զրկվել էին հետագայում նորակազմ ծառայությունում վերականգնվելու հնարավորությունից։ Տեսչության նախկին աշխատակիցները դիմել են Քաղծառայության ղեկավար Մանվել Բադալյանին, սակայն՝ անարդյունք: Բադալյանը հավատացրել է, որ սպասում է ինչ-որ փաթեթի, որին ծանոթանալուց հետո միայն կհասկանա, թե ինչն ինչպես է արվում: Նախկին քաղծառայողները, իրենց խնդիրները բարձրաձայնելու համար, ստիպված էին երեկ բողոքի ցույց կազմակերպել կառավարության շենքի դիմաց։
Հ.Գ. Ի դեպ, այսօր մսի կրպակների գերակշիռ մասը գործում էր: Սա ի՞նչ է նշանակում, գլխավոր տեսուչը չի՞ տիրապետում իրավիճակին: Ինչպե՞ս կպատճառաբանի իր խոսքի ու իրականության հակասությունը:
- 13:2527 նոր զոհ. ՊԲ-ն հրապարակել է մարտերում ընկածների անունները
- 11:35Կորոնավիրուսով վարակման 2474 նոր դեպք մեկ օրում. մահացել է 16 մարդ
- 11:14Կորոնավիրուսով վարակման 2306 նոր դեպք մեկ օրում. մահացել է 16 մարդ
- 14:22«Այս խնդրանքն ուղղում եմ բոլոր առաջին տիկիններին». Աննա Հակոբյան
- 11:18Հայաստանում հաստատվել է կորոնավիրուսով վարակվելու 1836, մահվան՝ 23 նոր դեպք
- 10:30Վիրավորներին թողնում են մարտի դաշտում, արնաքամ են լինում ու մեռնում. սեւացած, ուռած, փտած դիակներ կան
- 14:48Դատապարտյալ. Թող տանեն, կռվենք, էդ մեր ծախսերն էլ թող փոխանցեն բանակին
- 10:30Փաշինյան. պատրաստ ենք փոխզիջման. մեզ համար մեկնարկային կետը Լեռնային Ղարաբաղի կարգավիճակն է
- 10:24Ադրբեջանի զինվորականները երկու օր առաջ հայ զինծառայող են գլխատել. ՀՀ ՄԻՊ
- 15:35Հրատապ կարգով ստեղծել ռազմաքաղաքական հարցերի օպերատիվ կառավարման շտաբ-պետական հատուկ մարմին. 13 կուսակցությունների հայտարարությունը