Արաբկիրի նախկին թաղապետ Հովհաննես Շահինյանի քրոջ՝ Կարինե Շահինյանի որդու՝ Արսեն Ահարոնյանի վրա «սարքած» սպանության գործով դատաքննությունը ընթացքի մեջ է, տեղեկացնում է «ՉԻ»-ն և հավելում, որ Հովհաննես Թամամյանի մասով գործն առանձնացվել է, և դրա քննությունն, ըստ էության, կապ չի ունենալու սպանության հանգամանքների մասով տարվող դատաքննության հետ։ Իսկ սպանության համար հարուցված քրեական գործի շրջանակներում ձերբակալված 7 անձանցից մեկը՝ Նարեկ Օհանջանյանը, նախօրեին ազատ է արձակվել համաներման ակտի կիրառման արդյունքում։ Սպանության համար հարուցված քրեական գործի շրջանակներում՝ Նարեկը ձերբակալվել էր այն պատճառով, որ «ռազբորկային» մեկնած տղաները «օգտվել էին» հենց նրա ավտոմեքենայից։ Ըստ թերթի՝ մեղադրանքը դատարանում պաշտպանում է Կորյուն Փիլոյանը։
Թամամյանի ձերբակալությունից հետո սպանության մեղադրանքը հանվեց Շահինյանի քրոջ որդու վրայից և դրվեց 32-ամյա Վռամ Բաղդասարյանի վրա։ Հենց նրա անունն է, որ կապվեց ԱԺ պատգամավոր Լևոն Սարգսյանի՝ Ալրաղացի Լյովի թիկնազորի հետ։ Վռամը Հովհաննես Շահինյանի սանիկն է, մեկուկես տարի առաջ կայացել է Վռամի հարսանիքը, իսկ հարսանիքի քավորը եղել է Հովհաննես Շահինյանը։ Ի դեպ, երբ պարզվել է, որ Շահինյանի քրոջ որդու՝ Արսենի մասով հնարավոր չէ գործ սարքել, այսինքն՝ «ինքապաշտպանություն ձևակերպել» և Արսենին «պրծացնել», Շահինյան Հովհաննեսն իր մոտ է կանչել սանիկին՝ Վռամին, ու նրան հորդորել է հանձնվել դատախազություն և սպանությունը «վիզ վերցնել»։ Վռամը հրաժարվել է։ Թե ինչպես է զարգացել այս պատմությունը, և էլ ովքեր են տարբեր կարգավիճակներով «ներգրավվել» այս քրեական գործում՝ «ՉԻ»-ն խոստանում է անդրադառնալ առաջիկայում:
- 11:10«Ժողովուրդ». Շրջափակման մեջ գտնվող ադրբեջանցի զինծառայողներն անարգել վերադարձել են Ադրբեջան
- 11:10«Ժողովուրդ». ՊԲ նախկին հրամանատրի ձերբակալությունից առաջ հարցաքննվել է Սեյրան Օհանյանը
- 11:10Ռուսները նոր ռազմաբազա են կառուցում Տավուշում.«Հրապարակ»
- 11:10«Հրապարակ». Ապարանում վենդետայի ուրվականն է շրջում
- 11:10«Փաստ». Առավոտյան՝ փողը, երեկոյան՝ աթոռները. ի՞նչ են առաջարկել իշխանությունները Մոսկվային
- 11:10Որոշ ՔՊ-ականների վոյաժները սկսել են նյարդայնացնել անգամ իրենց թիմին. «Հրապարակ»
- 11:10Փաշինյանը ՔՊ-ականներին մոսկովյան այցից ուշագրավ մանրամասներ է պատմել․ «Հրապարակ»
- 11:10Լրտեսների գործը փլվում է. սիրային նամակներն իրեղեն ապացույց են համարել.«Հրապարակ»
- 11:10Ռուս խաղաղապահների ղեկավարի հետ հանդիպելու են եւ պարզաբանում են պահանջելու.«Հրապարակ»
- 11:10Ադրբեջանը պահանջներ է ներկայացնում Հայաստանին, որոնք չբավարարելու դեպքում կա՛մ պատերազմ է լինելու, կա՛մ պետք է Հայաստանը գնա անվերջ զիջումների․ Միքայել Համբարձումյան․ «Հրապարակ»