Հայաստանի իշխանությունը հատկապես շրջակա միջավայրին ու բնական ռեսուրսներին առնչվող որոշումների ընդունմանը հանրությանը մասնակից դարձնելու հարցում երբեւէ չի դրսեւորել քաղաքական կամք: ԵԱՀԿ երեւանյան գրասենյակի աջակցությամբ ՙԹրանսփերենսի ինտերնեշնլ՚ հակակոռուպցիոն կենտրոնի եւ ՙՀետաքննող լրագրողներ՚ ՀԿ կազմակերպած ՙՕրհուսը Հայաստանում. գնահատում է հասարակությունը՚ թեմայով մայիսի 20-ի խորհրդակցությանը այս մասին նշեց հակակոռուպցիոն կենտրոնի նախագահ Սոնա Այվազյանը: ՙԴրանք ընդունվում են փակ դռների հետեւում, եւ հասարակությունը, որպես կանոն, չի մասնակցում այդ որոշումների ընդունմանը, որոշումների մասին իմանում է ավելի ուշ եւ հարկադրված է լինում պայքարել այդ անօրինական որոշումների դեմ՚,- ասաց նա£ Ս.Այվազյանն ընդգծեց, որ Օրհուսի կոնվենցիայի ամբողջական կիրառման համար անհրաժեշտ է, որպեսզի պետական կառույցները ստեղծեն օրենսդրական մեխանիզմներ, որոնք կապահովեն ընդունվելիք որոշումների քննարկման վաղ փուլերին հասարակության մասնակցությունը:
Ըստ Ս.Այվազյանի, ինքը երկու անգամ հաղորդում է ներկայացրել կոնվենցիայի համապատասխանության կոմիտեին Դալմայի այգիների կառուցապատման եւ Թեղուտի հանքավայրի շահագործման խնդիրների վերաբերյալ, եւ երկու դեպքում էլ կոմիտեն գտել է, որ Հայաստանը խախտել է կոնվենցիայի մի շարք դրույթներ£
Բնապահպան Կարինե Դանիելյանն իր հերթին լրագրողների հետ զրույցում նշեց, որ կոնվենցիան Հայաստանում գործում է£ ՙԴա մեր հենակետն է, մենք փորձում ենք մասնակցել էկոլոգիական նշանակություն ունեցող խնդիրների լուծմանը£ Այլ հարց է, թե որքանով է մեզ դա հաջողվում՚,- ասաց նա, ընդգծելով, որ դեռ չի եղել մի դեպք, երբ դատարանը հօգուտ բնապահպանության որոշում կայացնի:
ԵԱՀԿ երեւանյան գրասենյակի ղեկավար, դեսպան Սերգեյ Կապինոսն իր հերթին նշեց, որ հունիսի վերջին Մոլդովայում տեղի կունենա կոնվենցիան վավերացրած պետությունների ներկայացուցիչների 4-րդ հանդիպումը£ ՙՄենք պետք է ցույց տանք, որ Հայաստանը լուրջ է վերաբերվում կոնվենցիայի դրույթների իրականացմանը, պետք է գիտակցվի, որ շրջակա միջավայրի պահպանումը առաջին հերթին պետք է Հայաստանին ու նրա քաղաքացիներին՚,- ասաց դեսպանը:
ՙՇրջակա միջավայրի հարցերի առնչությամբ տեղեկատվության հասանելիության, որոշումներ ընդունելու գործընթացին հասարակայնության մասնակցության եւ արդարադատության մատչելիության մասին՚ (Օրհուսի) կոնվենցիան Հայաստանի կողմից վավերացվել է 2001թ.:
- 15:10«Ի՞նչ գործ ունի ադրբեջանական զինված տեղակայումը Շուռնուխի դպրոցի դիմաց». Արման Թաթոյան
- 14:10Ալեն Սիմոնյանի հայտարարությունը՝ Արամ Վարդևանյանի հրաժարականի դիմումի մասին
- 13:10Վատ չէր լինի, եթե Ադրբեջանը նման աննշան առիթներով կասկածի տակ չդներ ԼՂ-ում խաղաղապահների գործունեությունը․ խաղաղապահ զորախումբն արձագանքել է Ադրբեջանի ՊՆ քննադատությանը
- 12:10Հաշմանդամության ժամկետը հաստատելու համար 60 000 դրամ կաշառք է պահանջել. ձերբակալվել է կաշառքը ստանալուց անմիջապես հետո
- 11:10Հայաստանը պատրաստ է հանդիպմանը՝ Պրահայում ձեռք բերված պայմանավորվածության և ձևաչափի համաձայն. ԱԳՆ-ի արձագանքն Ալիևի հայտարարությանը
- 15:10Արցախը «զիջելը» կնշանակի հայերի դեմ ցեղասպանության թողտվություն. Լեմկինի ինստիտուտը սատարում է Արցախի ինքնորոշման իրավունքին
- 14:10Ցավալիորեն պետք է արձանագրենք, որ շահումով խաղերի նկատմամբ կախվածությունն այսօր տարածվում է նաև կանանց շրջանում․ Արցախի ՄԻՊ
- 13:10Լուկաշենկոն կանխատեսել է Ուկրաինայի ամբողջական ոչնչացումը
- 12:10Ադրբեջանը շարունակում է Լաչինի միջանցքի նկատմամբ ոտնձգության համար «տեղեկատվական բազայի» նախապատրաստումը
- 11:10Կրեմլը մեկնաբանել է ՀԱՊԿ-ի երևանյան գագաթնաժողովում Հայաստանին օգնության մասին հռչակագրի չընդունումը