2011-ի բյուջեն արդեն բազմաթիվ որակումներ է ստացել. սոցիալական, տնտեսական, հետճգնաժամային բյուջե: Իսկ նախկին պատգամավոր, տնտեսական գիտությունների դոկտոր Թաթուլ Մանասերյանն էլ այսօր այն անվանեց հակասական բյուջե: Նա անդրադարձավ տնտեսության մի քանի ճյուղերի, որոնցում 2011-ին կգրանցվի աճ, հատկապես գյուղատնտեսությանը։ Երկրի տնտեսության վրա, ինչպես նշեց Թաթուլ Մանասերյանը, լուրջ ազդեցություն է գործել գյուղատնտեսության անկումը: Այս ոլորտում, տնտեսագետի կարծիքով, անց է կացվում ոչ արդյունավետ քաղաքականություն:
«Լավ գյուղատնտեսություն ունենալը մեծ շռայլություն է ցանկացած երկրի համար,իսկ այդ շռայլությունը կարող ենք մեզ թույլ տալ միայն այն ժամանակ,երբ հասկանանք, թե ինչը կարող ենք լավ արտադրել մյուս երկրների համեմատ. մինչ այդ, մենք մնում ենք հիմնականում որպես ներմուծող երկիր, մեր սպառած ապրանքի մեջ տեղականը շատ քիչ է, ուստի ունենք խոցելի տնեսություն»: Թաթուլ Մանասերյանն համոզված է, որ ՀՀ տնտեսությունն ունի հսկայական ներուժ, որն այս պահին չի օգտագործվում: Նրա խոսքերով` Հայաստանի հնարավորությունները գտնվում են ստվերում. «Եթե երկրի տնտեսությունը հազիվ է զարգանում, ապա ստվերային տնտեսությունն աճում է արագ տեմպով, իսկ Սփյուռքի մասնագիտական և նյութական ներուժը նպատակաուղղված չի օգտագործվում »։
Հայաստանում ագրոարդյունաբերական համակարգը և պարենային անվտանգությունը խոցելի է, գյուղատնտեսության ոլորտում քաղաքականությունն ուղղակի բացակայում է, մենք մեծապես կախում ունենք համաշխարհային շուկայից և գներից, բայց Հայաստանը սեփական բազայի վրա էլ կարող է ձևավորել տնտեսական քաղաքականությունը, ինչը կկրճատեր այդ կախվածությունը»,-ավելացրեց Մանասերյանը:
Տնտեսագետն ընդգծեց, որ չի հավատում մի շարք ոլորտներում բարձր տոկոսների հասնող տնտեսական աճին, պատճառաբանելով`«եթե 2011-ի տարեկան դեֆիցիտը կազմում է 148,6 միլիարդ դրամ, ապա անհավանական աճին այդքան էլ չեմ հավատում»։ Նրա խոսքերով` կա որոշակի դրական առաջընթաց, սակայն այն հիմնականում պայմանավորված է մոլիբդենի և պղնձի միջազգային գների աճով: Նա նշեց նաև բանկային հատվածում առկա բարձր տոկոսադրույքները, ինչը փոքր և միջին ձեռնարկատիրությանը խանգարում է զարգանալ: Տնտեսագետը պետությանն առաջարկում է թելադրել խաղի կանոնները և տոկոսադրույքները սահմանել 5-6%-ից ոչ ավելի:
Շուշան Գալստյան
- 12:10Երիտասարդ տրակտորիստը գրանատ է քաշել, ասել ՝ «հետս սաղիդ կպայթեցնեմ», 10 թուրք մնացել է կանգնած, մինչև օգնության հասնենք
- 11:10Կոռուպցիոն սխեմա՝ ճանապարհաշինության ոլորտում․ Վահե Հակոբյանի բացահայտումը
- 15:10«Հայաստան» դաշինքի օգտին կքվեարկեն ընտրողների 24.1%-ը, ՔՊ-ի օգտին՝ 23.8,%-ը, «Պատիվ ունեմ»-ի օգտին՝ 7.4%-ը.ըստ Գելափի՝ ընդդիմությունը հաղթում է իշխանությանը
- 13:01«Հայ առաքելական եկեղեցին, ավանդական արժեքները վարկաբեկում են կոռումպացված հոգևորականները»․ Նիկոլ Փաշինյանը Սևանում ընթերցեց Աստվածաշնչի 55-րդ սաղմոսը
- 12:10Ինչու՞ է Ավանեսյանը կեղծում, որ զոհվածների դիերի ոչ պատշաճ պայմաններում պահպանումը Աբովյանում մասնավոր դեպք է
- 14:10Ինչ պետք է անեն թոշակառուները, որոնք թոշակն ստանում են կանխիկ
- 12:10Եթե մեղավոր եմ, գնդակահարեք ինձ, գնդակահարության պատի տակ խոնարհ կկանգնեմ. Նիկոլ Փաշինյան
- 11:10Նիկոլ Փաշինյանը գերեվարված շիրակցիների հարազատների հետ փակ հանդիպմանը ներկայացել է հարբած, հանդիպումն արդյունք չի տվել
- 15:23Առնետավազք. Տեր-Պետրոսյանի արձագանքը՝ Փաշինյանի որդու՝ գերիների դիմաց Բաքու մեկնելու պատրաստակամության մասին
- 14:10Կենաց-մահու պայքար է` ո՛չ Քոչարյանը, ո՛չ Փաշինյանը մտադիր չեն «հանձնվել». Բաղդասարյան