«Նախարարի որոշումը մեզ համար….»
«Աշխարհի բոլոր երկրներում, երբ ինչ-որ շենք են կառուցում, մտածում են նաև դրա ֆասադին համապատասխան կանաչապատում անելու մասին: Իսկ մեզ մոտ հակառակն է. ոչնչացնում ենք բոլոր կանաչ տարածքները՝ կառույցն ամբողջությամբ երևալու համար»: Այսպիսի համեմատություն է արել «Բիոսոֆիա» ՀԿ նախագահ Գևորգ Պետրոսյանը անդրադառնալով Գյումրի քաղաքի կանաչապատ տարածքների ոչնչացմանը:
Դեռ հունիսին թվով 14 հասարակական կազմակերպություններ բողոք էին հղել ՀՀ նախագահին, ԱԺ նախագահին, վարչապետին, գլխավոր դատախազին ու Շիրակի մարզպետին Գյումրու Արագած փողոցում սկսված շինարարության վերաբերյալ: Բողոքում հայտնվում էր, որ «Երկրաշարժի զոհերի հիշատակի հուշարձանի մոտ, կանաչ տարածքում փորվել է մի մեծ փոս, որն իբրև թե արվել է ժամանակավոր շինություն կառուցելու համար: Այնինչ, իրականում 300 քմ մակերեսով տվյալ տարածքը, երկարաժամկետ (99 տարով) վարձակալության է տրվել Գյումրու քաղաքացիներից մեկին՝ կառուցապատման թույլտվությամբ, այն դեպքում, երբ ըստ Գյումրու գլխավոր հատակագծի, տվյալ հողամասը հանդիսանում է հասարակական օգտագործման կանաչ տարածք և այստեղ արգելված է կապիտալ շինարարությունը»:
Քանի որ սա Գյումրիում առաջին դեպքը չէ, նախորդ տարիներին էլ ծառահատումներ էին կատարվել՝ մասնավորապես 2008-ին հատվեցին Անկախության հրապարակի եղևնիները, որպեսզի շրջակա շինությունները երևային ողջ կազմով, 2009-ին հատվեցին Չերազ-Սպենդիարյան փողոցների միջնամասում գտնվող, Ամենափրկիչ եկեղեցու դիմացի ծառերն ու թփերը՝ Չերազ փողոցի շարունակությունը կառուցելու համար, բնապահպանները միտված էին կարծելու, որ քաղաքի կառուցապատումն իրականացվում է ոչ թե հասարակության համար հարմարավետ կենսամիջավայր ստեղծելու, այլ մի խումբ անձանց ու պաշտոնյաների անձնական շահերը բավարարելու համար:
Այս ամենն էլ հաշվի առնելով բողոքավորները հիշյալ պաշտոնյաներից պահանջել էին միջամտել ու ստիպել դադարեցնել Արագած փողոցի այդ շինարարությունը, պարտադրել տեղական իշխանություններին վերականգնել փոսից առաջ եղած վիճակը, հրատապ կանաչապատել այն: Եվ արգելել Գյումրու ՏԻՄ-ին «Կումայրի» պատմաճարտարապետական արգելոցի քաղաքաշինական տեսքի աղավաղումը:
Ճիշտ է, դրանից որոշ ժամանակ անց մարզի դատախազությունը կասեցրեց շինարարական աշխատանքների ընթացքը, սակայն տարածքը մինչ օրս չի ազատվել ու նախկին տեսքի չի բերվել: Չնայած, որ ՀՀ կառավարությունը չէր անտեսել բողոքը եւ իջեցրել էր համապատասխան հանձնարարական:
ՀՀ քաղաքաշինության նախարար Վարդան Վարդանյանը Շիրակի մարզպետ Աշոտ Գիզիրյանին հայտնում է, որ ՀՀ վարչապետի հանձնարարականով քաղաքաշինության նախարարության քաղաքաշինական պետական տեսչությունը Գյումրիում ուսումնասիրություն է կատարել և պարզել, որ առևտրի և սպասարկման օբյեկտ կառուցելու նպատակով տրամադրված 300 քմ հողամասը գտնվում է «Կումայրի» պատմական կենտրոնում և հանդիսանում է ընդհանուր օգտագործման կանաչ տարածք, որտեղ նմանատիպ կառույցի տեղադրում չի թույլատրվում: Նախարարը մարզպետից խնդրել է ՀՀ օրենսդրությամբ սահմանված կարգով ձեռնարկել համապատասխան միջոցառումներ: Այդ մասին Գյումրու «Բիոսոֆիա» ՀԿ նախագահ Գևորգ Պետրոսյանին ուղարկված գրությամբ նախարարությունից հայտնում են. «Առաջնորդվելով «Տեղական ինքնակառավարման մասին» ՀՀ օրենքի 77.5-րդ հոդվածի դրույթներով, ՀՀ Շիրակի մարզպետը 2010թ. օգոստոսի 6-ի թիվ 01/06.1/3181-10 գրությամբ առաջարկել է Գյումրու քաղաքապետին չեղյալ համարել 2009թ. փետրվարի 26-ի կառուցապատման իրավունքով թիվ 300-Ա հողահատկացման որոշումը և վերացնել Ա.Անտիկյանի կողմից կիրականացված ինքնակամ շինարարական աշխատանքների հետևանքները»:
Ի պատասխան սրա, 2010թ. սեպտեմբերի 28-ին Գյումրու քաղաքապետի տեղակալ Գագիկ Մանուկյանը Գ.Պետրոսյանին ուղարկած գրությամբ հայտնում է, որ Գյումրու քաղաքապետի 2009թ. փետրվարի 26-ի թիվ 300-Ա որոշումը չի հակասում օրենսդրությանը և այն չեղյալ համարելու անհրաժեշտություն չկա: Մինչդեռ, քաղաքաշինության նախարարի գրությունում ասվում է. «Քաղաքապետի կողմից կատարված հողհատկացումն ուղեկցվել է ՀՀ հողային Օրենսգրքի 76-րդ հոդվածի առաջին կետի և ՀՀ կառավարության 2001թ. ապրիլի 12-ի N286 որոշման երրորդ կետի ՙա՚ ենթակետի պահանջների խախտմամբ: Բացի այդ, հողամասի տրամադրման, այնուհետև օբյեկտի նախագծման ճարտարապետահատակագծային առաջադրանքի տրման գործընթացներն իրականացվել են առանց նախապես ՀՀ քաղաքաշինության նախարարության հետ համաձայնեցնելու՝ խախտելով ՀՀ կառավարության 1998թ. հուլիսի 30-ի N479 և 2009թ. հունիսի 26-ի N792-Ն որոշումների պահանջները»:
Այսքանից հետո դեռ պարզ չէ՝ քաղաքապետարանու՞մ չեն հարգում նախարարի որոշումը, թե՞ նախարարը չի կարողանում ազդել քաղաքապետի վրա, բայց այն, որ Արագած փողոցում դեռ շինարարական հետևանքները վերացված չեն, փաստ է:
- 15:10Տանջել է 9-ամյա դստերը, պահել է խորդանոցում՝ ցրտի և մթության պայմաններում. հարուցվել է քրեական հետապնդում
- 14:10Քաղաքապետարանի աշխատակիցները տոնածառ են գողացել, ոստիկանները որոնում են տոնածառը
- 11:10Մանվել Գրիգորյանն ու նրա կինը մեղավոր են ճանաչվել. պետբյուջե կբռնագանձվի շուրջ 2 մլրդ դրամ, 8 ավտոմեքենա
- 15:10Ինչպես է բերման ենթարկվում «օրենքով գող» Վիտալի Թբիլիսսկին. Ոստիկանության տեսանյութը
- 15:1028-ամյա երիտասարդը մորից գումար է պահանջել, իսկ մերժում ստանալուց հետո հարձակվել մոր վրա, խլել պայուսակն ու հափշտակել զգալի չափերի գումար
- 11:10Ընտանեկան բռնության ենթարկված և Ինգուշեթիայից ՀՀ փախած Ֆաթիմա Զուրաբովայի ազդեցիկ հորեղբայրն արդյո՞ք հայ իրավապահների հետ կապեր ունի. քննչականը մանրամասներ է հայտնել
- 12:10Ալեն Սիմոնյանն Անժելա Թովմասյանից պահանջում է 3,5 միլիոն դրամ Tert.am-ում գրած մեկնաբանության համար
- 11:10Դատախազությունը պահանջում է Սերժ Սարգսյանից բռնագանձել մոտ կես միլիարդ դրամ
- 15:10ԱՄՆ-ից Հայաստան ներմուծված միջազգային սուրհանդակային առաքանիների մեջ հայտնաբերվել են թմրամիջոցներ. ՊԵԿ-ը մանրամասներ է հայտնում
- 15:10«Ցուցակագրեք էն բ․․․ թուլեքի ցանկը, որոնց սատկացնելու ենք սիկ․․․ հետո». Ո՞րն է Արագած Ախոյանի կալանավորման հիմքը
06.12.2023 | 15:10
06.12.2023 | 14:10
06.12.2023 | 13:10
06.12.2023 | 12:10
06.12.2023 | 11:10
05.12.2023 | 15:10
05.12.2023 | 14:10
05.12.2023 | 13:10
05.12.2023 | 12:10
05.12.2023 | 11:10
04.12.2023 | 15:10
04.12.2023 | 13:10
04.12.2023 | 12:10
04.12.2023 | 11:10
01.12.2023 | 15:10
01.12.2023 | 14:10
01.12.2023 | 13:10
01.12.2023 | 12:10
01.12.2023 | 11:10
30.11.2023 | 14:10
30.11.2023 | 13:10
30.11.2023 | 12:10
30.11.2023 | 11:10
29.11.2023 | 16:04
29.11.2023 | 15:13
29.11.2023 | 15:11
28.11.2023 | 15:10
28.11.2023 | 13:10
28.11.2023 | 12:10
28.11.2023 | 11:10
27.11.2023 | 15:10
27.11.2023 | 14:10
27.11.2023 | 13:10
27.11.2023 | 12:10
27.11.2023 | 11:10
25.11.2023 | 15:10
25.11.2023 | 14:10
25.11.2023 | 13:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.