Հատուկ քննչական ծառայությունում քննվում է ՊԵԿ-ի գործունեության հետ կապված բավականին ծավալուն քրեական գործ, որով անցնում են մեկ տասնյակից ավելի մարդիկ, նրանցից երեքը պետեկամուտների ծառայության աշխատակիցներ են եւ ըստ պաշտոնական տեղեկության ձերբակալված են։ Խումբը մեղադրվում է տարիներ շարունակ արժեքավոր ու բարձր հարկվող տեսակի ապրանքներ ներկրելու եւ դրանց փոխարեն, չհարկվող տեսակների`մանր –մունր անարժեք ապրանքներ հայտարարագրելու միջոցով հսկայական գումարներ յուրացնելու մեջ ։

Ըստ մեր ունեցած տեղեկության գործը հարուցվել է ՊԵԿ-ի ոստիկանությունում մոտ երկու առաջ, սակայն ընթացք չի տրվել։ Խնդիրը նրանում է, որ բավականին ծավալուն այս գործը հարուցվել է ՊԵԿ-ի նախկին պետի` Արմեն Ավետիսյանի օրոք։ Այժմ դրա «վերակենդանացումը» կապվում է ներկայիս պետի` Գագիկ Խաչատրյանի զուտ նախորդի կատարած ապօրինությունները ի ցույց դնելու ցանկության հետ։ Անշուշտ նման հարցերը առանց վերին ատյանների չի լուծվում։ Եւ ՊԵԿ-ի նախագահի տրամաչափի պաշտոնյաներին փչացնելը, իրականում նրանց տանիքների միջեւ եղած հակասության արդյունք է։ ՀԳ. ՊԵԿ-ը որեւէ տեղեկություն չի հաղորդում իր աշխատակիցների պաշտոնների եւ ինքնության մասին, պատճառաբանելով, որ գործն ընթացքի մեջ է եւ պարզաբանումները Հատուկ քննչականի իրավասության սահմաններում է։